گەنجێن ڤەخوارنێن هێزێ ڤەدخون پێدڤی ب خوین بەردانێ نە
هەرهین محەمەد:
هاریكارەكێ نوشداری ئاشكەرا دكەت، 90% گەنجێن مە ئەوێن ڤەخارنێن غازی ب كاردئینن پێدڤی خوین بەردانێ نە و پتریا وان ڤە خارنان ژەهرە و كافاین و شەكرەكا زێدە و هندەك مادێن بهێزكرنێ دناڤ دانە و پێدڤیە هەر سێ هەیڤا جارەكێ بهێن خوینا خوە پشكنین كەن و بەردەن دا كو ساخلەمیا وان باشتر لێ بهێت و هەر كەسەكێ هەر شەش هەیڤان جارەكێ خوینا خوە بەردەت دێ ژ پەنجەشێرێ و جەلتا دلی قورتال بیت.
ئوسمان شنگالی هاریكارێ نوشداری بۆ ئەڤرۆ گۆت: پتریا كەسێن دهێن خوینا خوە بەردەن گەنجن و 90% ئەو گەنج پێدڤی نە ئەوێن پرۆتینان و ڤە خارنێن غازی ب كاردئینن، چونكو ڤەخارنێن غازی هەموو ژەهرە و كافاین و شەكرەكا زێدە و هندەك مادێن بهێزكرنێ دناڤ دایە و پێدڤیە هەر سێ هەیڤا جارەكێ بهێن خوینا خوە پشكنین كەن و بەردەن، دەمێ ئەو كەسە دهێنە دەڤ مە و ئەم خوینا وی بەردەین و ساخلەمیا وی خوەشتر لێ دهێت، هەڤالێن خوە هەموویان دئینت و گەنجێ مە گەلەك یی َوێرەكە بۆ خوین بەردانێ و ئەوێن سترێز ل دەڤ هەی پشتی خوینا وی بەردەین فێردبیت.
ناڤهاتی گۆت ژی: خوین بەردان دەرێخستنا هندەك تشتێن خرابە دناڤ خوینێ دا و گەلەك دبێژن خوینا پیسە، بەلێ دبینم خوین خراب و پیس نابیت و ئەو تشێن دچنە دناڤ لەشێ مرۆڤی دا ب رێیا دووكێلا ترومبێلا و دووكێلا جگارێ و خارنێن نەساخلەم و ئەڤ تشتە دەمێ دچنە دناڤ لەشێ مرۆڤی دا دهێنە فیلتەركرن ب رێیا مێلاكێ و كلیا و ب مخابنی ڤە ئەڤ تشتە گەلەك یێ زێدەبووی و مرۆڤ نەشێت ژێ ب دووماهی بهێت و د لەشی دا كومڤە دبن و دبنە ئەگەرێ هندەك نیشانان و ئەگەر بچتە نوشداری ژی دیارناكەت وەك زەحمەت و وەستیان و شەقیقە و نەخوشیا چاڤان و دەمێ كریارا خوین بەردانێ چێدكەین دبیتە ئەگەرێ دو تشتان، یان خوینەكا نوی یا ب هێز چێدبیت، یان دەمێ خوینێ بەردەین و ئەو تشتێن پیس ژ لەشی دەردكەڤن زڤرۆكا خوینێ ب هێزتر دكەڤیت و دیسان هەموو ئەندامێن لەشی وەكو دلو مێلاك و كلی ئەكتیڤ تر لێ دهێن و گەلەك نەخوش دهێن دبێژن پشتی مە خوینا خوە بەردای چاڤێن مە رۆهنتر لێ هاتن.
