پشكنینا هەناسێ بۆ دیاركرنا بەكتریا مەعیدێ بۆ زارۆك و مەزنان دهێتەكرن
د. زەینەب ئەحمەد سلێڤانەی، تایبەتمەندا شروڤەكرنا نەخۆشیان و نەخۆشیێن خوینێ دیاركر، گەلەك پشكنین یێن هەین بو دیاركرنا بەكتریا مەعیدەی، هندەك ب رێكا نازورێ دهێنە چێكرن و هندەك ژی پێدڤی نازوورێ ناكەت، ئەوێن پێدڤی نازوورێ ناكەن كو ژلایێ تاقیگەهان دهێنە ئەنجامدان، ب رێكا پشكنینا خوینێ و دەستئاڤا ستویر و هەناسێ یێن هەین، دیاركر كو شێوازێن ئەنجامدانا پشكنینان هەر پشكنینەكێ باشیێن خۆ و خرابی یێن خۆ هەنە و گۆت: هەكە عەمرێ نەساخی كێمتربیت ژ 55 سالان و چ نیشانێن مەترسی لێنەبن و ب تنێ نیشانێن سڤك لێ هەبن دشێت پشكنینا خۆ چێكەت و دەرمانی وەرگریت ل دووڤ ئەنجامێ پشكنینێ، هەكە نەساخی هندەك نیشانێن مەترسی لێ هەبن و نەساخ گەلەكێ زەعیف بیت یان دگەل دەستئاڤا ستویر خوین گەلەك هەبیت یان بەردەوام دلێ وی رادبیت و نەساخ یێ ب عەمر بیت یا باشتر ئەوە پشكنینا نازوورێ ژلایێ تایبەتمەندەكێ نازوورێ بو بهێتە گرتن.
د. زەینەب ئەحمەد، دیاركر ل دەمێ گۆمانا بەكتریا (H.pylori) هەر كەسەكێ ئەڤ نیشانە لێ هەبن دڤێت ڤێ پشكنینێ بكەت: هەكە زكئێشان هەبیت، یان دلێ وی رادبیت، هەكە خوین دگەل دەستئاڤا ستویر هەبیت، پێدڤیە پشكنینا بكەت، بو پشتراستبوون ژ هەبوونا بەكتریایێ ناڤبری.
د. زەینەب دیاركر: پشكنینا هەناسێ باشترە و یاگرنگە دڤێت نەساخ 4 تا 6 سەعەتا یێ ب رۆژی بیت. نەخۆت نە ڤەخۆت هەكە دەرمانان وەرگربت دڤێت ب راوستینیت و نێزیكی دو حەفتییان دەرمانان نەخوت، دیسا دەرمانێن مەعیدێ و بەرسوژێ ژی ب راوستینت نەخوت كێمی 2 حەفتیان تا 4 حەفتیان و گۆت: هەكە نەساخی ئێشا دلی یان یا شەكرێ هەبیت دڤێت ل دووڤ رێنمایێن دكتوری بخۆت، دیاركر: ئەڤ بەكتریایە ژ زارۆكی نوی هەتا مەزن دبن دگەل ژییێ مروڤان مەزن دبیت، هەكە زارۆك بیت و نیشان لێ هەبن ئەم بو پشكنینان دكەین لێ دڤێت عەمرێ وی ژ 3 سالان كێمتر نەبیت دا تێبگەهیت نەخوت نە ڤەخوت 4 تا 6 سەعەتا خارنێ نەخۆت دا تێبگەهیت، حەبكێ بخۆت بو فەحسا هەناسێ یانژی هەكە نەشیا دێ فەحسا دەستاڤا ستویر بو چێكەین.
