هاتنەخوارا فشارا خوینێ‌ جهێ‌ ترسێ‌ یە

د. سیپان سەربەست حاجی، تایبەتمەندێ‌ نەخۆشیێن دل وهناڤا دیاركر د ڤی دەمێ‌ سالێ‌‌ دا گەلەك جاران نەخۆش دهێن دبێژن فشارا من یا هاتیە خوار، ئەو ب خۆ فشار ناهێتە خوار ب تنێ‌‌ هندەك حالەتێن دژوار هەنە، وەكو هەكە ئێك گەلەك تووشی زكچوونێ‌‌ و دلرابوونێ‌‌ وچارەسەریێ‌‌ نەكەت، یانژی خوینبەربوون چێببیت هەتا فشار بهێتە خوار، یانژی گەلەك بەر هەتاڤیێ‌ كاربكەت، وەكو پێدڤی ئاڤێ‌‌ ڤەنەخۆت و هاتنەخوارا فشارێ‌‌ تشتەكێ‌‌ ب مەترسی یە.
د. سیپان سەربەست، تایبەتمەندێ‌‌ نەخۆشیێن دل وهناڤا خویاكر كو خەلك دبێژن فشارا من یا هاتیە خوار كا چ بكەم؟ ئەز دبێژم كا خەلك چاوا خۆ بپارێزن تووشی هشكبوونێ‌ نەبن د ڤی وەرزێ‌‌ سالێ‌ دا هەكە فشار كێم ببیت و گەلەك هاتە خوار یا ب مەترسی یە و پێدڤیە ئەو كەس سەرەدانا نەخۆشخانێ‌ و نۆشداری بكەت، ئەو حالەتێ‌ كەسەك تووشی هشكبوونێ‌ ببیت وەكو پێدڤی ئاڤێ‌‌ ڤەنەخۆت ئەو تشتەكێ‌‌ دیترە ئاڤ گەلەك بهێتە ڤەخوارن مرۆڤ هشك نەبیت بۆ وان كەسێن بەر هەتاڤێ‌‌ و گەرمێ‌‌ كار دكەن، پێدڤیە گەلەك ئاڤێ‌‌ ڤەخۆن هەتا دبیت “مغزی” ڤەخۆن دا تووشی هشكبوونێ‌‌ نەبن .
تەكەزكر كو كاركرن ل سەقایەكێ وەسا گەرم ژ دەرڤەی مال دبیت ئەو مرۆڤ تووشی هشكبوونێ‌‌ ببیت رەنگە ئاڤێ‌‌ و خوێ‌‌ ژ دەست بدەت و ببیتە ئەگەر زەختا وی بهێتەخوار و كارتێكرن ل سەر گولچیسكێن وی دروست ببیت و رەوشا وان یا ساخلەمیێ‌‌ تێك بچیت و گۆت: ئەو مرۆڤ پێدڤیە گەلەك ئاڤێ‌ ڤەخۆن نە ب تنێ‌‌ ئاڤێ‌‌، بەلكو تشتێن روهن وەكو ئاڤەماستێ‌‌ و كەسكاتی ب تایبەتی ژی خیار و باجان و هندەك جاران مغزی یانژی هندەك جارا خوێ‌‌ ژی ل سەر زێدە بكەت، بۆ وێ‌‌ چەندێ‌‌ ئەو خوێ‌‌ یا لەشێ‌ مرۆڤی دەركەدڤیت بهێتە قەرەبوو كرن.
ئاشكەراكر كو هەكە خوارنا مرۆڤی یا دروست بیت و گەلەك ل بەر گەرمێ‌ شوول نەكەت ئاڤ ڤەخوارن ب تنێ‌‌ یا باشە، ب تنێ‌‌ ئەو كەسێن ژ دەرڤە شوول دكەن و ل بەر گەرمێ‌‌ گەلەك دمینن، ژبلی ئاڤێ‌‌ پێدڤیە مغزی ژی ب كاربینن و هەكە سیبەر هەبیت بچیتە بەر باشترە بەر و بەردەوام ئاڤا تەزی ڤەخۆن دا تووشی هشكبوونێ‌‌ نەبن.

کۆمێنتا تە