هندەك نۆشدار نەخۆشان دكەنە ریكلام ل سۆشیال میدیایێ
هەرهین محەمەد:
بەلاڤكرنا ڤیدیویێن نەخوشان ژلایێ نوشدارێن ژن ڤە ل تیكتوكی بەرب زێدەبوونێ یە و هەر نوشدارەك ب رەنگەكی ریكلامان بخوە دكەت لدور ئەڤێ دیاردێ نوشدارەكا ژنان دبێژیت: ئەڤە تشتەكێ جوان نینە نوشدار دكەن و نوشدار پێدڤی ب ریكلامان نینە.
میلازم دلڤین دێوالی محەمەد گۆت: (ل گەل هندێ نینم نوشدار ریكلاما خوە بكەن ب رێیا وان نەخوشان ئەوێن چەندین سالە د بێ زاروك و دو گیان دبن، چونكی نەخوش یا چوویە دەڤ داكو چارەسەریا ئەوێ بكەت و هەر دەردەكی ژی دەرمان هەیە و كەسەك بوویە ئەگەرێ چارەسەریێ).
دلڤینێ گۆتژی: (دبیت كەیف بۆ ئەوێ خێزانا بویە خودان زارۆك یا چێبووی و هند هایژ خوە نەبیت، لەورا رازی بوویە بهێتە ڤیدیو كرن و بلا نوشدار ژی ئەڤێ چەندێ بخوە ب دەلیڤە نەبینن و نوشدار بخو د بەرنیاسن و پێدڤی ب ئەڤێ چەندێ ناكەت).
ڤەكولەرێ جڤاكی هیوا كامیران دیار كر دەمێ نوشدار خزمەتا نەخوشان بكەت بۆ مە جهێ شانازیێ یە نوشدارێن وەسا هەین و یا گرنگە ئەو نوشدارە بەرنیاس ببن دا كو خەلك بینن و مفای ژێ وەرگرن و گۆت: (بەلێ خالا نەرێنی د ئەڤی بابەتی دا ئەوە دەمێ نوشدارەك ریكلاما خوە دكەت د سوشیالێ دا ل سەر بنەمایێ شكاندنا نەخوشی بیت ئەڤ چەندە ب چو رەنگان یا دروست نینە و ژ ئەڤێ چەندێ دیار دبیت ئەوێ نوشدارێ هندەك مەرەمێن دی هەنە ژبلی هەستێ مروڤایەتیێ).
هیوای دا زانین ژی كو بەردەوام نوشدار دبێژن ئەم دێ چارەسەریا نەخوشا كەین و ئەم مرۆڤ دوستین و مافێ مرۆڤان دپارێزین و ب ئەڤێ بهانەیێ نەخوشان ب خوە ب دەلیڤە دبینن و ب هندەك رێیێن ڤەشارتی دا كو بشێت كارێ خوە یێ نوشداریێ زێدەتر لێ بكەت و بارێ خوە یێ ئابوری زێدەتر لێ بكەت و ئەڤە ژی ئستغلالە و یا بەرب زێدەبوونێ دچیت، لەورا دڤێت حوكمەت رولی خوە بینیت و قانوونەك هەبیت ژ بۆ ب كارئینانا سوشیال میدیایێ.
د. فەنار گولی، نوشدارا تایبەتمەندا ژنان و زارۆك بوونێ دیار كر دیاردا بەلاڤكرنا ڤیدیویێن نەخوشان دبینم نتشتەكێ نە جوانە و نوشدارا زیرەك پێدڤی ب ریكلامێ نینە و نەخوش بخو دشێن ریكلامێ بۆ بكەن و گۆت: (گەلەك جاران ژی دبینم نەساخ دكەڤیتە تایێ شەرمێ بەرامبەری نوشداری كو ل سەر دەستێ ئەوێ نوشدارێ بوویە خودان زارۆك نوشدار دبێژیتێ تو هاتیە نك من و تو بوویە خودان زارۆك و ئەڤە ریكلامە نوشدار بخو دكەن نە بۆ ئەوێ ژنێ، چونكو ژن بۆ خودان زارۆك).
د. فەنارێ گۆتژی: (من رێز بۆ نوشداران هەیە، لێ هندەك ڤیدیویان ل تیكتوكی بەلاڤ دكەن جهێ مفای نە و هندەكێن دیژی بتنێ بۆ ریكلامێ یە و پێدڤیە دووڤچوونەكا زانستی بۆ هەبیت).
