كەسێن گەلەك خوارنێ دخون و قەلەو نەبن چ نەخۆشی هەیە؟
د. سیپان سەربەست حاجی، نوشداری تایبەتمەندێ نەخۆشیێن دل و هناڤا ل دهۆكێ دیاركر:
زێدە كاركرنا پەریزادی ئێشەكا گەلەك بەربەلاڤە ل دەڤ ژن و زەلامان پەیدابیت لێ پتر ژن تووشی ڤێ نەخۆشی بن”.
د. سبپان سەربەست حاجی، نۆشدارێ تایبەتمەندێ نەخۆشێن دل و هناڤا ل دهۆكێ ئاشكەرا كركو ئەو كەسێن تووشی نەخۆشیا پەریزدای دبن هەست ب وەستیانەكا مەزن دكەن، هەروەسا دلقوتان ولەرزینا دەستان دەڤ وان دروست دبیت ئەو نەخۆش حەز دكەن هەردەم ل جهەكێ سار و فێنك بن و دبیت زكچوون ژی ل دەڤ وان پەیداببیت، بەلێ تشتێ گەلەك مشە دگەل وان نەخۆشان دەمێ تووشی ڤێ نەخۆشی دبن كو نەخۆش گەلەك خوارنێ دخۆت وكێشا وان زێدە نابیت، بەلكو كێشا وان دهێتە خوار، چونكو ئەڤ نەخۆشیە گەلەك ئاسانە كو زوو بهێتە دەستنیشان كرن و چارەسەریا وێ ژی هەیە ونەیا بزەحمەتە، بەلێ پێدڤیە ئەو كەسێن ئەڤ نیشانە دەڤ دیاردبن قەستا نەخۆشخانێ بكەن.
تایبەتمەندێ نەخۆشیێن دل و هناڤا ل دهۆكێ ئەوژی خۆیا كركو ئەو كەسێن گەلەك خۆارنی دخۆن و سەنگا وان كێم دبیت و دلقوتان ولەرزینا دەستان هەبیت دگەل چەند نیشانێن دێ پێدڤیە خۆ گێرۆنەكەن و زوو قەستا نوشدارێن تایبەتمەند بكەن، چونكو هەكە گیرۆببیت و زوو چارەسەریا خوە نەكەت دێ سەنگا وان ئێكجار كێم بیت، بەلێ نەخۆشیا پەرێزادی ل سەر ژیانا مرۆڤی نینە دهندەك حالەتان دا زێدە كاركرنا پەرێزادێ مەترسیێ دئیخیتە سەر ژیانا مرۆڤی ئەوژی حالەتێن كێم هەنە لێ زێدە كاركرنا پەریزادێ مەترسیێ ل سەر ساخلەمیا مرۆڤی دروست دكەت.
د. سیپان سەربەست، تەكەزكركو زێدە كاركرنا پەریزادێ دبیتە ئەگەرێ بلندبوونا فشارا خوینێ ودبیت ببیتە ئەگەرێ زێدە لێدانا دلی ب تایبەتی ژی ل دەڤ كەسێن دانعەمر، لەورا ژی ئەم ئاموژگاریان ل خەلكێ خوە دكەین دەمێ هەست ب نیشانێن زێدە كاركرنا پەرێزادێ بكەن زوو قەستا نەخۆشخانەیان بكەن .
ناڤهاتی ئەوژی نەڤەشارت و گۆت: دو ئەگەرێن سەرەكی یێن ڤان حالەتان هەنە ئەوژی بلندبوونا نەخۆشیان شەكرێ و بلندبوونا هورمونێ پەرێزادێ دڤان هەردو حالەتان دا مرۆڤ گەلەك خۆارنی دخۆت وسەنگێ وان كێم دبیت، لێ یێن نەخۆشیا شەكرێ گەلەك ئاڤێ ڤەدخۆت وگەلەك دچیتە دەستئاڤا زراف و خوارنێ ژی گەلەك دخۆت لێ هەر سەنگێ وان زێدەناكەت، بەلكو سەنگێ وان كێم دبیت و پەرزادا ژەهراوی
گەلەك خوارنی دخۆن وسەنگا وان كێم دبیت.
تایبەتمەندێ نەخۆشیێن دل و هناڤا ل دهۆكێ ئاشكەرا كركو ئەو كەسێن تووشی نەپەریزادا ژەهراوی دبن گەلەك خوارنێ دخوون وسەنگا وان كێم دبیت لێ گەلەك ئاڤێ ڤەناخۆن، ب تنێ یێن نەخۆشیا شەكرێ هەین گەلەك ئاڤێ ڤەدخۆن و پێدڤیە ئەڤە هەردو بهێنە پشكنینكرن بۆ پشتراستبوونی ژ نەخۆشیا وان و دبیت پشكنینا شەكرێ بۆ چێكەن، بەلێ نیشانێن وێ گەلەك یێن پەریزادێ نە، لەورا ئەنجامدانا پشكنینێ گەلەك یا گرنگە، چونكو هەكە خوە گیرۆ بكەن بۆ چارەسەریێ دێ مەترسی بیت.
د. سیبان سەربەست بەحسێ مەترسیێن ل سەر ژیانا نەخۆشی كر و گۆت: هەستی لاواز دبن وهەستی دشكێن و دبیت خەلەت لێدانا دلێ وی مەترسیێ ل سەر ژیانا وی كەسی دروست ببیت و هەكە دوی حالەتی دا نەخۆش گەلەك بمینیت وچارەسەریا خوە نەكەت دێ تووشی مەترسیێن ساخلەمیێ بیت.
