هێشتا هێرشێن ئه‌ردى بۆ سه‌ر يه‌مه‌ن ده‌ست پێ نه‌كرينه
ئه‌ڤرۆ نيوز:
ئاخفتنكه‌رێ ب ناڤێ “باهۆزا ب هێز” ئه‌وا هه‌ڤپه‌يمانێن هه‌رێمێ ب سه‌رۆكاتيا سعودى ل دژى حوسيێن يه‌مه‌ن راگه‌هاندى دياركر كو هه‌تا نوكه چو كاريێن سه‌ر ئه‌ردى نه‌هاتينه هاڤێتن و دا زانين كو به‌رده‌وام فرۆكه ل سه‌ر ئه‌سمانى يه‌مه‌ن هاتنوچوونێ دكه‌ن.
عه‌ميد ئه‌حمه‌د عه‌سيرى ئاخفتنكه‌رێ ب ناڤێ له‌شكرێ سعوديێ و باهۆزا ب هێز د كۆنگره‌كێ رۆژنامه‌ڤانى دا ئاماژه ب وێ چه‌ندێ ژى كر كو رێيا گه‌هشتنا ئێك يا سه‌نعاء و سه‌عده گرتيه و گۆت: “د رژدين گيانێ وه‌لاتيێن يه‌مه‌ن ب پارێزين”.
نه‌ڤه‌شارت ژى كو فرۆكێن ئيماراتى ژى پشكدارى باهۆزا ب هێز كريه و گۆت: “ڤێ كريارێ ئارمانجێن هه‌ين و راناوه‌ستين هه‌تا بجهـ دئينين و رێ ب كه‌سێ ناده‌ين چه‌كى بده‌ته حوسيان”.
