ل شنگال داعش ژ دو ميحوه‌ران ڤه هێرش كره سه‌ر پێشمه‌رگه‌يى
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ ل ده‌مژمێر 9ى سپێدێ چه‌كدارێن داعش ژ دو ميحوه‌ران ڤه هێرش كره سه‌ر پێشمه‌رگه‌يى ل ناڤ شنگال، هێرشا وان بێ ئه‌نجام ب دووماهى هات و هێزێن پێشمه‌رگه‌يى ژى ب سلامه‌تن.
عيسا زێوه‌ى فه‌رماندێ ليوا چار يا پێشمه‌رگێ كوردستانێ بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 9ى سپێدێ ژ دو لايان ڤه چه‌كدارێن داعش ب چه‌كێ گران و سڤك هێرش كره سه‌ر هێزێن پێشمه‌رگه‌يى”.
زێده‌تر گۆت: “د ڤێ هێرشا نيڤ ده‌مژمێرێ دا ڤه‌كێشايى، هێزێن پێشمه‌رگه‌يى شيان بشكێنن و بێى كو زيانه‌ك بگه‌هيتێ پشتى هه‌موو ره‌نگێن چه‌كى به‌رامبه‌ر داعش ب كار ئيناين”.
ده‌رباره‌يى زيانێن داعش ژى گۆت: “هه‌تا نوكه زيانێن وان نه‌هاتينه زانين و ئه‌و دو هێرشان دكه‌ن يا ئێكێ يێ هێرش كرنه سه‌ر پێشمه‌رگه‌يى يه و يا دويێ دهێن و كه‌له‌خێن خوه دبه‌ن، به‌لێ هێشتا نه‌هاتينه”.
فه‌رماندێ ليوا چار يا پێشمه‌رگێ كوردستانێ نه‌ڤه‌شارت ژى كو شه‌رێ ته‌فاسان د ناڤبه‌را هه‌ردو لايان دا يێ به‌رده‌وامه ب درێژاهيا ده‌مى.
