ئەڤ کارە تووشبوونێ ب پەنجەشێرێ و جەلتێ زێدەدکەن
نۆشدارەکێ نشتەرگەریا دلی چار تشتا ئاشکرادکەت کو ب تەمامی زیانێ ب لەش دگەهینن و ئەگەرێ تووشبوونێ ب پەنجەشێرێ و جەلتێ زێدەدکەن.
د بەلافکرنەکێ دا دکتۆر جێرمی لندن، نۆشدارێ نشتەرگەریا دلی پشتراست دکەت کو هندەک رەفتار هەنە د شێوازێ ژیانا مەدا ڕەنگە مەترسیا تووشبوونێ ب نەخۆشیێن مەترسیدارێن وەک پەنجەشێرێ و جەڵتا مەژی و دلی زێدەبکەن بێی کو ئەم ئاگەهداری وان بین.
ئێک ژوان کو د.جێرمی خۆ ژێ دوور دکەت، جگارەکێشانە، دیاردکەت ئەو ئێێکە ژ خراپترین کاران کۆ مرۆڤ دشێت بسەر لەشێ خۆ دا بکەت، جگارەکێشان زیانێ ب سییهان دگەهینیت و ئەگەرێ تووشبوونێ ب پەنجەشێرا سییهان و نەخۆشیێن دلی و خوینبەران و جەڵتا دلی و جەڵتا مەژی زێدەدکەت.
د دوەم هۆشداریدا ئامۆژگاریا دژی ڤەخوارنێن کحولی دکەت، ئەو دکتۆر بەحس ل وێ چەندێ دکەت ئەو ڤەخوارن لەشی ژەهراوی دکەت و زیانێ دگەهینیتە هەمی لەشی و ئەگەرێ تووشبوونێ ب نەخۆشیێن دومدرێژ زێدەدکەت.
هەروەسا داخازا کێمکرن یان نەهێلڵانا ڤەخوارنێن غازی دکەت ب تەمامی، جێرمی تەئکید ل سەر پێدڤیا گۆهورینا ئەڤێ ڤەخوارنێ ب ئاڤێ یان چایا کەسک کریە بۆ باشترکرنا ساخلەمیێ.
هەروەسا داخازکریە دووربکەڤن ل نانی و مەعکەرۆنان، تەئکیدکریە کو ٨٠%ی کۆنتڕۆڵکرنا کێشێ گرێدای خوارنێ یە، د دەمەکیدا بتنێ ٢٠% ژ ئەگەرێ وەرزش نەکرێ یە، ئاماژەکریە وەرزشکرن هاریکارە بەلێ دڤێت ئاگەهداری وێ چەندێ بن کا چ دخۆن.
