هه‌تا شه‌ش هه‌یڤیێ نابیت دایك ئاڤێ بده‌ته زارۆیی
نۆشداره‌كێ تایبه‌مه‌ندێ نه‌خۆشیێن زارۆیان دیاردكه‌ت، هه‌تا ژیێ شه‌ش هه‌یڤێ پێدڤیه دایك ب تنێ شیرێ خوه بده‌ته زارۆیێ و نابیت هه‌تا ئاڤێ ژی بده‌تێ ، ژبه‌ركو دورێن 90% شیرێ دایكێ ژئاڤێ پێك دهێت و پێدڤیا له‌شێ زارۆكی دابین دكه‌ت.
د. بشار ئیبراهیم ، تایبه‌تمه‌ندێ نه‌خوشیێن زارۆكان، دیاركر كو نابیت ئاڤێ بده‌یه زاروكێ خوه هه‌كه ژیێ وی ژ شه‌ش هه‌یڤان كێمتر بیت و گۆت: گه‌له‌ك دایك رسیاردكه‌ن، ئه‌رێ ئه‌ز ئاڤێ ب ده‌مه زاروكی یێ ژیێ وی سێ یان چار هه‌یڤ؟ده‌مێ پلێن گه‌رمێ د بلندبن، ئه‌رێ ئه‌م دێ شێین ئاڤێ ده‌ینه زاروكێ خوه؟ ل دووڤ زانستێ نۆشداری نابیت ئاڤێ بده‌ینه زارۆكان هه‌تا ژیێ شه‌ش هه‌یڤیێ, ژ به‌ر چه‌ند ئه‌گه‌ره‌كان.
د. بشار ئیبراهیم، تایبه‌تمه‌ندێ نه‌خوشیێن زارۆكان دیاركر، شیرێ دایكێ 88% – 90% ژ ئاڤێ پێك هاتیه و هه‌كه دایكه‌ك شیرێ قودیكان بو زاروكێ خوه ب كار بینیت، هه‌مان شێوه ب ئاڤێ دهێته روهنكرن كو بوو هه‌ر ره‌قه‌مه‌كێ شیری، ئێكێ ئاڤێ دهێته ب كارئینان.
د. بشار ئیبراهیم، ئه‌وژی دیاركركو ئاڤ یا ڤالایه ژ ڤیتامین و پرۆتین و كاربو هیدران، هه‌روه‌سا یا ڤالایه ژ دوهنیاتا كو زاروك پێتڤی وانه, له‌ورا نابیت ئاڤێ بده‌ینه زاروكی، ژ به‌ركو دبیته شوونگر ل جهێ شیری بو زارۆكی.
ئاشكه‌راكر ئه‌و دایكێن شیرێ خوه دده‌نه زارۆكێن خوه و ئاڤێ دگه‌ل ب كاردئینن، شیرێ وان كێم دبیت و زارۆكێن وان وه‌ك پێدڤی شیری وه‌رناگرن, هه‌روه‌سان گولچیسكێن زاروكی وه‌ك پێدڤی نه‌شێن وێ ئاڤێ ژ له‌شێ زاروكی بده‌رئێخن و دبیته ئه‌گه‌رێ نه‌خۆشیان بو زاروكی، وه‌كو خوینا زارۆكی روهن دبیت و كێمبوونا هنده‌ك خوێیان دناڤا خوینا زارۆكی، وه‌كو سۆدیومی و دبیته ئه‌گه‌رێ نه‌خوشیا ته‌بێ ل پاشه‌روژێ بو زارۆكی، هه‌ر وه‌سا ئه‌و دایكێن شیرێ قودیكان بكاردئینن نابیت روهن بكه‌ن.
