مەزنترین پارك ل زاخۆ دهێتە دروستكرن
زاخۆ، دلۆڤان هالۆ:
ل تاخێ تلكەبەرێ یێ سەر ب ئیدارەیا سەربخوە یا زاخۆ ڤە مەزنترین پارك دهێتە دروستكرن.
سالح كۆڤلی، وەبەرهێنەرێ پڕۆژەی بۆ ڕۆژناما ئەڤرۆ دیار كر كو ئەو پاركە ب گوژمێ 12 ملیۆن دۆلاران دهێتە دروستكرن، كو مەزنترین پاركە و ل سەر ڕووبەرێ 91 دۆنەمێن ئەردی دهێتە دروستكرن.
سالحی گۆت: «ئەڤ پاركە ژ ئۆتێلەكا پێنج ستێر و مۆلەكا مەزن و نێزیكی 50 ڤیللەیان پێك دهێت، دێ گەلەك جۆرێن یاریێن زاڕۆك و مەزنان و خوارنگەهـ و مەلەڤانگەهێن سار و گەرم یێن ڤەكری و گرتی و باخچە و جهێن ئەنجامدانا فەستیڤالان تێدا هەبن».
گۆتژی: «ژ بۆ مەرەما زێدەكرنا ڕێژا كەسكاتیێ ل زاخۆ، مە گرنگیەكا مەزن دایە چاندنا داروبار و كەسكاتیێ».
