پێنج نەخۆشخانە ل دەڤەرێن كوردستانی دێ هێنە ئاڤاكرن
دهوك، لەزگین جوقی:
ئەندامەكێ جڤاتا پارێزگەها نەینەوا دیاركر، ب بزاڤێن ئەندامێن كورد ل جڤاتا پارێزگەها نەینەوا و پەرلەمانتارێن پارتی ل بەغدا، پێنج نەخۆشخانە ل دەڤەرێن كوردستانی یێن دەرڤەی ئیدارا هەرێمێ دێ هێنە ئاڤاكرن.
د. ئەحمەد نازم دوبەردانی، ئەندامێ جڤاتا پارێزگەها نەینەوا بۆ ئەڤرۆ ئاشكرا كر، نەخۆشخانەكا 100 تەختی ل شنگالێ و نەخۆشخانەكا 100 تەختی ل باشیك و بەحزانێ و نەخۆشخانەكا 50 تەختی ل زوممار و نەخۆشخانەكا 50 تەختی ل ناوچەداریا فەیدیێ و نەخۆشخانەكا 50 تەختی ژی ل ناوچەداریا وانكێ دێ هێنە ئاڤاكرن.
ناڤهاتی گۆت: «كۆمپانیەكا توركی ب گوژمێ 78 ملیار دیناران نەخۆشخانەیا شنگالێ دێ ئاڤا كەت، هەروەسا نەخۆشخانەیا باشیك و بەحزانی ژی ب گوژمێ 77 ملیار دیناران دێ هێتە چێكرن و هەمی خزمەتێن ساخلەمیێ دێ د ناڤ دا هەبن».
