دوپاتی ل پێشڤەبرنا پەیوەندیێن هەرێمێ و ئیرانێ هاتە کرن
دوهی سێشەمبی 4/2/2025، نڤیسینگەها سەرۆكێ حوكمەتا هەرێما كوردستانێ د بەیاننامەیەكێدا راگەهاند: مەسرور بارزانی، سەرۆكێ حوكمەتا هەرێما كوردستانێ، پێشوازی ل فەرامەرز ئەسەدی، قۆنسلێ گشتیێ نوو یێ كۆمارا ئیسلامییا ئیرانێ ل هەولێرێ كر.
د بەیاننامەیێدا هاتیە” د دیدارەكێدا، سەرۆكێ حوكمەتا هەرێما كوردستانێ پیرۆزباهییا دەستبكاربوونێ ل قۆنسلێ گشتیێ نوو یێ ئیرانێ ل هەولێرێ كر و هیڤییا سەركەفتنێ دئەركێ وی دا بۆ خواست”.
هەردو ئالییان دوپاتی ل گرنگییا پێشڤەبرنا پەیوەندیێن دناڤبەرا كۆمارا ئیسلامییا ئیرانێ و هەرێما كوردستانێ كر.
