17 جاددە ل تاخێ ئێتووتێ دهێنە چێكرن
دهۆك، لەزگین جوقی:
راگەهاندنا سەرۆكاتیا باژێرڤانیا دهۆكێ دیاركر، تیمێن سەرۆكاتیا باژێرڤانیا دهۆكێ بەردەوامی دایە پڕۆژەیێ ڤەكرن و قێركرنا چەندین جاددەیێن ناڤخۆیی ل تاخێ ئێتووتێ.
ئیسماعیل مستەفا، بەرپرسێ راگەهاندنا سەرۆكاتیا باژێرڤانیا دهۆكێ بۆ ئەڤرۆ خویا كر، پڕۆژە 17 جاددەیان ب خۆڤە دگریت، كار د قووناغا دانانا كربستۆنێ رەخێن جاددەیان دا ب دووماهی هاتیە، نوكە كار د قووناغا راستڤەكرن و دانانا بەرێن شكەستیدا دەستپێكریە و رێژا ئەنجامدانا كاری گەهشتیە 35%».
گۆتژی: «پڕۆژە ل سەر بودجەیا پارێزگەها دهۆكێ و ب سەرپەرشتیا ئەندازیارێن سەرۆكاتیا باژێرڤانیا دهۆكێ دهێتە بجهئینان».
