پزیشکیان: ب شەڕی و سزادانێ چو پرسەک چارەسەر نابیت
مەسعود پزیشیکان سەرۆک کۆمارێ ئیرانێ د داخۆیانیەکێ دا دیار کر، ئیرانێ نەڤێت ل ژێر ناڤێ دانوستاندنان هەموو داخوازیێن ئەمریکا قەبوول بکەت، یا ترامپی دڤێت دانوستاندن نینە، بەلکو وان دڤێت ل ژێر ناڤێ دانوستاندنان مە نەچار بکەن دا هەموو داخوازیێن وان قەبوول بکەین، ئەو یەک ژی ناهێتە قەبوول کرن.
سەرۆک کۆمارێ ئیرانێ ئەو یەک ژی دیار کر، ئەمریکا نەشێت ب شەڕی و سزادانێ پرسێن هەی چارەسەر بکەت، مە بەری نها ژی دیار کریە وەکو ئیران مە دڤێت ب رێیا دانوستاندنان هەموو پرسێن هەی ل گەل ئەمریکا و وەلاتێن رۆژئاڤایی چارەسەر بکەین، لێ دڤێت ئەمریکا رێزێ ل ئیرادە و داخوازیێن گەلێ ئیرانێ بگریت و دەست ژ زمانێ گەفکرنێ ژی بەردەت، چونکی ب سالانە ئەمریکا سزا ل سەر ئیرانێ سەپاندینە و نەشیایە داخوازیێن خوە ل سەر خەلکێ ئیرانێ فەرز بکەت.
