سێ تۆمەتبار ل ئاكرێ هاتنە دەستەسەركرن
رەمەزان زەكەریا:
رێڤەبەریا پۆلیسێن ئاكرێ رۆهنكرنەك ل دۆر گرتنا سێ تۆمەتباران بەلاڤكر، كو ل سنوورێ دەڤەرداریا بەردەڕەشێ تەقەكربوو.
رێڤەبەریا پۆلیسێن ئاكرێ د راگەهاندنەكێ دا ئاشكرا كر، پشتی روودانەكا تەقەكرنێ ل سەنتەرێ ناوچەداریا كەلەك ل سنوورێ پۆلیسێن دەڤەرداریا بەردەڕەشێ یا سەر ب رێڤەبەریا پۆلیسێن ئاكرێ ڤە روودای، پولیسێن بنگەهێ كەلەك ل جهێ روودانێ ئامادەبوون و دەست ب دووڤچوون و ڤەكۆلینێ كر.
د راگەهاندنا پۆلیسێن ئاكرێ دا هاتیە: «د ڤەكۆلینان دا دیاربوو، تەقەكرن د ناڤبەرا دو لایەنان دا روودایە ل سەر ئاریشەكا كەڤن، لێ چو كەس د وێ تەقەكرنێ دا بریندار نەبووینە».
پۆلیسێن ئاكرێ ئاشكرا ژی كریە، ژ لایێ مەفرەزەكا هەڤپشك ژ بنگەهێ پۆلیسێن كەلەك و بنگەهێ پۆلیسێن هەوارهاتنا بەردەڕەشێ و بنگەهێ پۆلیسێن پاراستنا چالاكیێن مەدەنی ل بەردەڕەشێ ل گەل بنگەهێ ئاسایشا كەلەك سێ تۆمەتبار ژ هەردو لایەنان، كو ئەنجامدەرێن تەقەكرنێ بووینە، هاتینە دەستەسەر كرن.
هەرسێ تۆمەتبار ب فەرمانا دادوەرێ ڤەكۆلینا بەردەڕەشێ ل دووڤ بەندێ 15 ژ یاسایا چەكی هاتینە دەستەسەركرن و ڤەكۆلین ل گەل بەردەوامە.
