ل پشکا رەوشەنبیری و راگەهاندنا پارتی دانوستاندن ل دۆر سیستەمێ پەروەردێ هاتە کرن
دوهی ٢٤/٢/٢٠٢٥ ل هۆلا پشکا رەوشەنبیری و راگەهاندنا پارتی، خەلەکا بیست و شەشێ ژ بازنەیێ دانوستاندنێ ب ناڤونیشانێ «سیستەمێ خواندنێ ل هەرێما کوردستانێ بڕێڤەچوو».
دانوستاندن ب ئامادەبوونا «د. ئالان حەمە سەعید، کامەران عەلی حسێن، حەمید سالح، دلێر عەبدوللا، نەرمین شێخ عەلی، سامان سیوەیلی، یوسف عوسمان، بەکر کەریم حەسەن، ئەرشەد شوکری ئیسلام، د. کەریم شەریف قەرەجەتانی، کەمال زراری، ناهیدە رەشید، هەروەسا ئەندامێن بازنەیا دانوستاندنێ شڤان حەمدی، پ. د. نەزاکەت حسێن، د. جەلال ئەحمەد و فەرهاد محەمەد، پشکدارێن بازنەیێ گەلەک ب ئاشکرایی دانوستاندن ل سەر سیستەمێ خواندنێ ل هەرێما کوردستانێ کر.
دیسا سەبارەت سیستەمێ خواندنێ ل هەرێما کودرستانێ، ب شێوەیەکێ هەمەلایەن و هەموو ڕەهەندێن سیستەمێ خواندنێ یێ کەرتێ گشتی و تایبەتی هاتنە گەنگەشەکرن.
دیسا هەر دوهی ٢٤/٢/٢٠٢٥ د. سالار عوسمان ئەندامێ کۆمیتەیا ناڤەندی و بەرپرسێ پشکا رەوشەنبیری و راگەهاندنا پارتی ل باژێرێ سلێمانیێ سەرەدانا هونەرمەند یونس حەمە کاکەی کر، کو چەند رۆژان بەری نوکە ژ ئەگەرێ تێکچوونا رەوشا ساخلەمیا وی رەوانەی نەخۆشخانێ هاتبوو کرن.
د. سالار عوسمان پرسیارا رەوشا ساخلەمیا وی کر و خواست هونەرمەند (یونس حەمە کاکە) د نێزیکترین دەم دا ڤەگەڕیتە کارێ خۆ یێ نیشادانێ و خزمەتکرنا هونەرێ کوردی.
