دو دەستەیێن جڤاتا كۆمەلایەتی و ڕەوشەنبیری یا زاخـۆ هاتنە دانان
زاخۆ، دلۆڤان هالۆ:
ل ئیدارەیا سەربخوە یا زاخۆ هەردو دەستەیێن ڕێڤەبەری و ڕاوێژكاری یێن جڤاتا كۆمەلایەتی و ڕەوشەنبیری یا زاخۆ هاتنە دانان.
لقێ هەشت یێ پارتی دیموكراتی كوردستان ل زاخۆ دیار كر كو ب ئامادەبوونا عومەر ئۆرەیی، بەرپرسێ لقێ هەشت یێ پارتی و هژمارەكا كەسایەتی و وەلاتیێن زاخۆ، ڕێوڕەسمێن دانانا هەردو دەستەیێن ڕێڤەبەری و ڕاوێژكاری یێن جڤاتا كۆمەلایەتی و ڕەوشەنبیری یا زاخۆ ل هۆلا ڕێڤەبەریا ڕەوشەنبیری و هونەری یا زاخۆ برێڤەچوون.
عومەر ئۆرەیی، بەرپرسێ لقێ هەشت د گۆتارەكێ دا داخوازا سەركەفتنێ بۆ هەردو دەستەیان خواست و داخواز كر، ببنە جهێ باوەریێ و خزمەتا دۆزا گەلێ خوە بكەن، دیسا پشتەڤانیا لقێ هەشت بۆ بڕێڤەچوونا كارێ وان دیاركر.
