تەکنۆلۆژیا ل سەر ژیانا مە و شێوەیێن بکارئینانا وێ
سندس سالح:
تەکنولوژیا د ڤان سالێن دووماهیێ دا گەلەک پێشکەفتی و گوهۆرین ئینایە د ژیانا مە دا، دیسا بوویە پشكه‌كا گرنگ ژ ژیانا مە یا رۆژانە. ئەڤرۆ ئەز دێ ل سەر هندەک لایەنێن گرنگ یێن تەکنولوژیایێ ئاخڤم و چەند هزران پێش کێش کەم کا چاوا باشتر بکاربینین.
ئینتەرنێت و کاریگەریا وێ
ئینتەرنێت بەرێ بناغێ تەکنولوژیا نوویە و رێک ڤەکریە کو ئەم گەهشتینە هەموو زانیاریان ب ساناهی. ب رێیا وێ، ئەم دشێین ل سەر هەر بابەتەکی فێر ببین، ل هەر جهەکێ دنیایێ پەیوەندیێ ب کەسان بکەین، دەرفەتێن کاری یێن نوو پەیدا بکەین. به‌لێ بۆچوونا من ئەوە کو:
* دەمێ خو ل سەر ئینتەرنێتێ کونترۆل بکەن. دیار بکەن کا ئەم چەند دەمی بکاردئینین و بو چ ئارمانجێ.
* ژێده‌رێن باوەرپێکری بکاربینن بو زانیاریان. نە هەموو تشتێ ل سەر ئینتەرنێتێ یێ راستە.
* خوه ژ هەڤالێن خوه یێن راستەقینە نەبڕن. پەیوەندیێن راستەقینە گرنگترن ژ وان یێن ل سەر ئینتەرنێتێ.
موبایلێن زیرەک و سەپانێن وان:
موبایلێن زیرەک بووینە ئامیرێن هەرە گرنگ د ژیانا مە دا. ب ڤان ئامیران ئەم دشێن ئاخفتنێ بکەین، وێنەیان بگرین، ل سەر ئینتەرنێتێ بگەرین، گەلەک کارێن دی. بۆ باشتر بکارئینانا موبایلێن زیرەک:
* سەپانێن باش و بسوود داگرین کو دێ هاریکاریا مە کەن د پەروەردە، تەندورستی، رێکخستنا دەمی، فێربوونا زمانان دا.
* موبایلی ب شەڤ دوور بێخین دا کو باش بنڤین و چاڤێن مە ماندوو نه‌بن.
* دەمێ بکارئینانێ سنووردار بکەین. هندەک جاران موبایلی بێخینە دوور دا ناڤبەرەکێ بدەینە چاڤێن خوه و مێشکێ خوه.
* پاراستنا زانیاریێن خوه بکەین و پاسوردێن ب هێز بکاربینین.
تەکنولوژیا و پەروەردە:
تەکنولوژیا شۆرەشەکا مەزن ئینایە د وارێ پەروەردێ دا. نوکە قوتابی دشێن ل هەر دەم و جهەکی فێر ببن ب رێکا:
* کورسێن ئونلاین یێن بێ به‌رامبه‌ر ل سەر بابەتێن جوراوجور
* پروگرامێن ئینتەراکتیڤ بۆ فێربوونا زمانان، بیرکاری، زانست و گەلەک بابەتێن دی
* پرتووكێن ئەلکترونی کو سڤکترن و جهی کێمتر دگرن
تێبینیا من بۆ قوتابیان ئەوە کو:
* تەکنولوژیایێ وەک هاریکارەک بکاربینن، نە وەک جهگرەک بۆ فێربوونا بنەرەت
* جوراوجوریێ بكاربینن د شێوازێن فێربوونێ دا – خواندن، گوهداری، ڤیدیۆ و پراکتیک
* بەرنامێن دەمی دروست بکەن دا کو ل سەر ئەرکێن خوه بمینن
پاراستنا زانیاریێن کەسی و ئەمنیەت:
د سەردەمێ تەکنولوژیایێ دا، پاراستنا زانیاریێن کەسی بوویە تشتەکێ گرنگ. ئەز ڤان تێبینیان به‌رچاڤ دکەم:
* پاسووردێن ب هێز بکاربینن بۆ هەمی ئەکاونتێن خوه و هەر ژ دەمەکی بگوهۆرن
* چوونا ژوور ب دو قووناغان بکاربینن بۆ زێدەکرنا پاراستنێ
* هشیار بن ل سەر وان زانیاریێن هوون ل سەر توڕێن جڤاکی بەلاڤ دکەن
* لینکێن گومانبار ڤەنەکەن
* ئامیرێن خوه ئابده‌یت بکەن بۆ پاراستنا لاوازیان
داووماهی
تەکنولوژیا ئامیرەکە یێ گەلەک ب هێز، و وەکی هەر ئامیرەکێ دی، دڤێت ئەم ب هوشیاری و بەرپرسیاری بکاربینین. دڤێت ئەم تەکنولوژیایێ بکه‌ین خزمەتکارێ خوه نە کو ئەم ببینە کولەیێن وێ.
