چاوانیا دروست بكارئینانا زیره‌كیا ده‌ستكرد
نیوار محه‌مه‌د سه‌لیم:
زێده‌تری 200 ملیۆن بكارئینه‌ران نها CHAT GPT بكاردئینن، به‌لێ 90% ژ وان كه‌سان دروست ب كار نائینن یان ژی وان داخوازیا ژێ ناكه‌ن یێن كه‌سانێن پرۆفیشنال ژێ دكه‌ن ژ به‌ر هندێ ژی ئه‌و ئه‌نجامێن وان دڤێن، ل دووڤ داخوازیێن وان نینن. ل ڤێره دێ بزاڤێ كه‌ین پێنج داخوازیێن پرۆفیشنال بۆ چات جی پی تی به‌رچاڤ كه‌ین دا كو هاریكاریا ته بكه‌ت د به‌رهه‌ڤكرنا مادده‌یی دا ب كوالێتیه‌كا باش و ب له‌ز و ده‌مه‌كێ كورت و ب ساناهی.
فه‌رمانا ئێكێ: مانشتێتێن سه‌رنجراكێش
سه‌ره‌ده‌ریێ وه‌كو شاره‌زا و داهێنه‌ر د چێكرنا مادده‌یی دا بكه. شاره‌زا به د نڤیسینا مانشێتێن سه‌رنجراكێش. بزاڤێ بكه نێزیكی ده‌هـ مانشێتان بنڤیسه ل دۆر بابه‌ته‌كێ ده‌ستنیشانكری و هه‌موو ژی د سه‌رنجراكێش بن. جهێ مایتێكرنا كه‌سێن دی بیت، ئانكو خوانده‌ڤانی نه‌چار بكه‌یی بابه‌تی بخوینیت. ته‌كنیكێن وه‌كو مانشێتێن سه‌رنجراكێش، ژماره، قه‌بخوازی یێن ئێكسه‌ر، چاره‌سه‌ریێن سێركی و شێوازێن هه‌ڤبه‌ركیا تشتێ هه‌ڤسه‌نگ. ژبیر نه‌كه ژی بلا مانشێت د كوت و ب هێز و ئێكسه‌ر بن.
فه‌رمانا دویێ: بۆ شرۆژڤه‌كرنا بابه‌تێن هه‌ڤركان د چارچۆڤێ تێكسته‌كێ دیاركری دا
تێكستی شرۆڤه بكه و وان فاكته‌ران هه‌لبژێره یێن سه‌ركه‌فتی و سه‌رنجراكێش بۆ جه‌ماوه‌ری.
[تێكستی ل ڤێره ب دانه]
وان فاكته‌ران ده‌ستنیشان بكه یێن تو هاریكار د به‌لاڤكرنا وان دا، وه‌كو ب هێزیا مانشێتی، شێوازێ بكارئینانێ، بكارئینانا هه‌ستان، كارڤه‌دانا چاڤه‌رێكری، رێیا پێشكێشكرنا هزرێ. پاران هنده‌ك پێشنیازان ده‌ستنیشان بكه‌ن دا كو پتر سه‌رنجراكێش بیت، ل گه‌ل نموونێن چاوانیا دووباره نڤیسینا نڤیسارێ ب هێزه‌كا باشتر و پتر كارتێكرن. ل دووماهیێ وێ ستراتیژیه‌تێ بینه ده‌ر یا كو تێكست سه‌ره‌ده‌ریێ ل گه‌ل دكه‌ت و ل سه‌ر بابه‌تێ خوه یێ سه‌ره‌كی ب سه‌پینه.
فه‌رمانا سیێ بۆ دووباره نڤیسینا تێكستی ب شێوازه‌كێ پرۆفیشنال
دووباره تێكستی بنڤیسه ب ره‌نگه‌كێ سه‌رنجراكێشتر و پرۆفیشنالتر، ل گه‌ل باشتركرنا دووڤچوونا پێزانینان، بۆچوونا سه‌ره‌كی جوانتر و ب هێزتر و كاریگه‌رتر لێ بكه. [تێكستی ل ڤێره ب دانه] پشت راست به كو تێكست هه‌ستان د لڤینیت، پاراستنێ ژی ل سه‌ر كارڤه‌دانا خوێنه‌ری دكه‌ت، زمانه‌كێ ئاشكه‌را و ب هێز ژی یێ هه‌یی، هه‌كه پێدڤی بكه‌ت هنده‌ك نموونێن زانستی ژی بینه. بلا پارگراڤا ده‌ستپێكێ یا سه‌رنجراكێش بیت، دووماهیك ژی شوون ده‌ستێ خوه ل ده‌ف خوانده‌ڤانی ب هێلیت.
فه‌رمانا چارێ: فه‌رمانا چێكرنا CTA داخوازا خواستنا كریاریا سه‌رنجراكێش
“وه‌كو شاره‌زایه‌كێ كرینێ یێ زیره‌ك سه‌ره‌ده‌ریێ بكه و پێنج جورێ جودا یێن Call To Action (CTA) بنڤیسه ل دۆر بابه‌تێ [ناڤێ بابه‌تی] دڤێت هزرێن بابه‌تی د روون و كورد بن و خوانده‌ڤان هه‌ست بكه‌ت كو یێ پێدڤی ب ڤان پێزانینایه. دانه‌یه‌كێ ب ره‌نگه‌كێ ئێكسه‌ر و ئێكێ ب ره‌نگێ چیرۆك و ئێكێ ب ره‌نگه‌كێ نه‌یێ زه‌لال و ئێكێ پشت به‌ستنێ ل سه‌ر مفایان بكه‌ت و دانه‌ك ژی خوانده‌ڤانی پال بده‌ت كو هه‌كه سه‌ره‌ده‌ریێ ل گه‌ل نه‌كه‌ت دێ ده‌لیڤه‌كا مه‌زن ژ ده‌ست ده‌ت.
فه‌رمانا پێنجێ: ب ده‌ست خستنا هزرێن باش بۆ بابه‌تی
وه‌سان سه‌رده‌ریێ بكه هه‌ر وه‌كو تو شاره‌زا د وارێ بابه‌تێن ژماره‌یی دا، 10 هزاران ل دۆر [ناڤێ بابه‌تی] بنڤیسه. بلا هه‌موو ژێك د جودا بین. ب ره‌نگه‌كی جه‌ماوه‌رێ هه‌ر ئێك ژ وان یێ تایبه‌ت بیت، بابه‌تێن فێربوون، چیرۆك، شرۆڤه‌كاریێن كوور، به‌لاڤكریێن دانوستاندنێ، پرسیارێن ڤه‌كری كو كه‌سێ به‌رامبه‌ر ڤه‌دكێشنه دانوستاندنێ. هه‌ر ئێك ژ وان ژی گوشه‌كێ بگره هزرێن نوو تێدا بن تو هزر بكه‌یی یا جودایه ژ هزرێن لاسایكرنێ و كه‌سانێن دی ب كار ئینابن.
