هێشتا ژێدەرێ کورۆنایێ نەهاتیە زانین
رێکخراوا ساخلەمیا جیهانی رادگەهینیت، ڤەکۆلین ل دیتنا ژێدەرێ پەژیا کۆڤید-19 بەردەوامن و هێشتا ژێدەرێ وێ نەزانیە.
رێکخراوا ساخلەمیا جیهانی WHO داخاز ژ حکومەتا چینێ کریە، ب سەدان زنجیرێن بۆماوەیی DNAـیێ ڤایرۆسی ل ناڤ نموونەیێن تووشبووان بدەتە رێکخراوێ داکو ڤەکۆلینێن بەرفرەهتر ل سەر بکەن. هەتا رێکخراوێ داخازا زانیاریێن هویر ل سەر ئەوان گیانەوەرێن ل وهان دهێنە فرۆتن، کریە.
د. تێدرۆس ئادهانۆم، سەرۆکێ رێکخراوا ساخلەمیا جیهانی دبێژیت: هەرچەندە پەژی دەرباز بوویە، بەلێ هەر یا مای و یا بەردەوامە ل پێشڤەچوواێ، ب جۆرەکی تووشبوونا ملیۆنان کەس نوکە ژی یا بەردەوامە.
هەروەسا گوت، ئەم گەلەک تشتا فێربووین، بەلێ بەرسڤا ئەوێ پرسیارێ ب دەست نەکەفتیە کا چاوا ئەوێ پەژیێ دەستپێکریە. داکو بشێین ب تەمامی رێگریێ ل سەرهەلدانا وێ بکەین.
