سەرۆك بارزانی و سەرۆكێ نوونەرایەتییا UN گوهۆڕینێن دەڤەرێ گەنگەشەكرن
سەرۆك بارزانی پێشوازی ل سەرۆكێ نوونەرایەتییا نەتەوەیێن ئێكگرتی بۆ هاریكارییا ئیراقێ (یونامی) كر و گوهۆڕینێن دەڤەرێ گەنگەشەكرن.
ل سەلاحەدین سەرۆك مەسعود بارزانی پێشوازی ل محەمەد ئەلحەسان، نوونەرێ تایبەتێ سكرتێرێ گشتیێ رێكخراوا نەتەوەیێن ئێكگرتی و سەرۆكێ هنارتەیا رێكخراوا ناڤبری بۆ هاریكارییا ئیراقێ(یونامی) كر.
د دیدارەكێدا بیر و بۆچوون ل دۆر دووماهی پێشهات و گوهۆڕینێن دەڤەرێ و كاریگەرییا وان ل سەر ئارامییا دەڤەرێ هاتنە لێكگۆهارتن، هەروەسا باس ل هەڤبەندیێن د ناڤبەرا هەولێرێ و بەغدایێ دا و دانوستاندنێن د ناڤبەرا حوكمەتا هەرێما كوردستانێ و حوكمەتا ئیراقا فیدرال بۆ گەهشتنێ ب چارەسەریێ هاتە كرن.
كار و چالاكیێن (یونامی) ل ئیراقێ و هەرێما كوردستانێ تەوەرێ دی یێ دیدارێ بوو.
