بۆ خزمەتكرنێ دێ بەردەوام بم
دلۆڤان هالۆ:
عەبدوللا فازل، پەیامنێرێ كەنالێ (دەلال تیڤی) د دیدارەكێ دا بۆ رۆژنامەیا ئەڤرۆ دیاركر كو ل سالا 2012 وی دەست ب كارێ راگەهاندنێ كریە و ل دەستپێكێ بوویە پێشكێشكارێ بەرنامێ (بەلاتینك) یێ زارۆكان، چنكو گەلەك حەز ژوی كاركریە و هەتا 2018 یێ بەردەوام بوو، پاشی بۆ دەمەكی دوور كەفتیە.
ناڤهاتی، دبێژیت: ل سالا 2022 جارەكا دی ئەز زڤڕیمە ڤە سەر شاشێ و من بەرنامەیێ (چۆخك) پێشكێشكر، كو بەرنامەیەكێ كلتۆری یێ گرێدای ئامیرەیێن كلتۆری یێن باب و باپیران بوو، هەروەسا د هەیڤا رەمەزانا پیرۆز دا من بەرنامەیەكێ دا ب ناڤێ (چۆخكێ رەمەزانێ) چێكر، ئەو بەرنامە ب شێوەیێ راستەوخوە دهاتە پێشكێشكرن و ئەو ژی گرێدای كلتۆرێ باب و باپیران بوو، هەروەسا ل ئەڤ سالە هەیڤا پێنج بوویمە پەیامنێرێ كەنالێ دەلال تیڤی، سوپاسیا هەر لایەكی دكەم كو هاریكاریا من كرین، ب تایبەت خێزانا خوە، هەروەسا بینەر و حەزژێكەرێن بەرنامەیێ چۆخك و دێ بەردەوام د خزمەتێ دا بم.
