ئاستێ شانۆ و سینەمایێ ل کوردستانێ د رەوشەکا خراب دایە
بێوار حەمدی:
بەرپرسێ پشکا شانۆ وسینەمایێ ل رێڤەبەریا رەوشەنبیری یا زاخۆ د دیدارەکێ دا بۆ رۆژناما ئەڤرۆ دیارکر کو ژ بەر کێمبوونا فەرمانبەرا و نەبوونا دامەزراندنێ هەردوو پشکێن (شانۆ وسینەمایێ) بووینە ئێک و ئەڤە بۆ دەمێ چار سالایە ئەو رێڤەبەرێ ڤی پشکێ.
هونەرمەندو شانۆڤان (مەهدی مونیر) بەرپرسێ پشکا شانۆ سینەمایێ گۆت: ب مخابنی ڤە ل کوردستانێ ب گشتی ئاستێ شانۆ و سینەمایێ دئاستەکێ خراب دایە ژئەگەرێ نەگرنگیپێدانێ و نەچاڤدێریێ و گۆت (ئەو کارێن دڤان بیاڤان دا دهێنەکرن ژی ب تبلێن دەستانە، ژبەرکو ئەگەر ئەم بەراوردیێ دگەل سالێن نوتان دا بکەین ل وی دەمی گەلەک باشتر بوو بەرهەمێ شانۆ وسینەمایێ ژی ب بهاتربوو.
ناڤهاتی دبەردەوامیا ئاخفتنا خوە دا دیارکر کو هەتا نوکە وان گەلەک بزاڤکرینە دا کو هوڵەکا شانۆ یێ و سینەمایێ ل زاخۆ هەبیت بدەهان دوکیومێنتاری و داخوازی وان ب بەلگە هەنە داکو ئەڤ بوارە خورت تر لێ بهێت، لێ هەتا نوکە چو دیارنینە و گۆت: خودایێ مەزن تایبەتمەندی و بەهرەیەکا باش یا هونەری دایە باژێرێ زاخۆ و مە گەلەک گەنجێن ژێهاتی و خودان بەهرە هەنە لێ ب مخابنی ڤە هاریکاری و پشتەڤانی نینە.
مەهدی هێشتا گۆت ژی: بۆ داهاتی مە گەلەک پڕۆژە و پلان هەنە و هەتا کو مە پڕۆژەیێن نیڤدەولەتی ژی ئامادەکرینە، لێ ئەم ل هیڤیا وێ چەندێ ینە کو هندەک گوهۆڕین بهێنەکرن و کەسێن دوارێ ڕەوشەنبیریا هونەری دا کاردکەن پتر بهایێ هونەری بزانن.
