ستایلێ من و بابێ من بۆ گۆتنا سترانان ل گه‌ل ئێك دگونجیت
، هه‌رهین محه‌مه‌د:
سترانبێژو لێده‌رێ عودێ یوسڤ هشیار سندوری دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: ده‌مێ من چاڤێن خوه بۆ دونیایێ ڤه كرین من خوه دیت دماله‌كێ دا هه‌رده‌م موزیك و ستران تێدابوون هه‌بوونو ئه‌ڤ حه‌زه ژی ل نك من په‌یدا بوو و ل گه‌ل مه‌زن بووم و پشتی من خاندنا ناڤنجی ب دووماهیك ئینای من قه‌ستا په‌یمانگه‌ها هونه‌رێن جوان كر پشكا مۆزیكێ و نوكه قوتابیێ كولیژا هونه‌رێن جوانم و ل په‌یمانگه‌هێ لێده‌رێ عودێ بووم و ل كولیژێ پیانویێ دژه‌نم و من دڤیا وه‌كو گه‌نجێن خۆدان شیان بم و پتر خوه دموزیك و سترانێ دا پێش بێخم و ئیسڤێ عه‌بو خۆرتا بۆ مه قوتابخانه‌یه و بابێ من ژی مامۆستایێ منه و گه‌له‌ك تشتان ژ ئه‌وی فێربووم و ده‌ستپێكی ده‌مێ من ستران لنكوی دگۆتن وه‌كو ترسه‌كێ لنك من په‌یدادبوو، به‌لێ ئه‌وی چه‌وانیا گۆتنا سترانێ نیشا من دا و هه‌تا نوكه ژی شیره‌تان ل من دكه‌ت و ستایلێ منێ گۆتنا سترانا كلاسیكێ كوردی یێ هه‌ڤچه‌رخه و هه‌موو جاران ئه‌زو بابێ خوه ل گه‌لك دروینه خارێ و سترانان ل گه‌لك دبێژین و ستایلێن گۆتنا سترانێ ئه‌م یێن ئێك و دوو دبێژین و ئه‌م گه‌له‌ك ل گه‌لك دگونجین و دڤێت ستایلێ سترانێت كوچكودیوانا ژبیر نه‌كه‌م، چونكو دماله‌كێ دا مه ستایلێ وان فلكلۆری و كوچكودیوانا یه و ب چ رێك بیت سوشیالێ بیتن یان ل به‌رنامان بیت دڤێت سترانێت ئیسڤێ عه‌بوخورتا بێژم، چونكو بناڤی وی هاتیمه ناڤكرن و من بڤێت و نه‌ڤێت ل داهاتی سترانێت وی كلیپ بكه‌م و به‌لاڤ بكه‌م.
