كۆمبوونا بارزانى و عه‌بادى ب دووماهى هات
ئه‌ڤرۆ نيوز:
پشتى ئه‌ڤرۆ ل ده‌مژمێر 10:00 سپێده‌هيا 6ى نيسانا 2015 حه‌يده‌ر عه‌بادى سه‌رۆك وه‌زيرێن عيراقێ ب هه‌ڤالنيا 30 كه‌ساتيێن له‌شكرى و وه‌زيرێن ئه‌منى سه‌ره‌دانا هه‌رێما كوردستانێ كر.
ئه‌ڤ شانده ژ لايێ هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ وى قوباد ته‌له‌بانى و شێخ جه‌غفه‌ر و چه‌ندين كه‌ساتيێن دى يێن له‌شكرى هاته پێشوازيكرن.
پشتى كۆمبوونه‌كا هه‌ڤپشك د ناڤبه‌را شاندێن هه‌ردو لايان دا، سێ كۆمبوونێن تايبه‌ت هاتنه كرن و ئێك ژ وان يا تايبه‌ت بوو د ناڤبه‌را سه‌رۆك بارزانى و عه‌بادى دا و نوكه ئه‌و كۆمبوون ژى ب دووماهى هات.
