هونەرمەندێ سەرکەفتی دڤێت خوە ب هیڤیا چو کەسان ڤە نەهێلیت
سندس سالح سلێڤانەی:
سترانبێژ (ئیڤان لبنان) د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: ل دەسپێکێ هەتا کو من شیای دڤی دەرگەهی ڕا دەربازببم من گەلەک ئاستەنگ د رێیا خوە دا دیتن من چ کەس ل دەورو بەرێت خوە نەدیتن هاریکاریا من بکەن هەتا کو وان کەسێن دەوروبەرێت من ئەڤێن دزانین ئەڤ بەهرە یا ل دەفمن هەی رێ ل من خوەش نەدکرن بەلکو پتر رێ لمن دگرتن ژ بەرکو وان باش د زانی هونەر ل ڤی وەڵاتی یا بێ مفایە ، هەتا کو ئێکەم جار ل قوتابخانا ئامادەیا زاخو ل سالا ٢٠٠٦ ئێکەم جار من لسەر دەپێ شانویێ ستران گوتن ، بەلێ ب شێوەیەکی رەسمی ل سالا ٢٠١١ ئێکەم بەرهەمێ من ب ناڤێ شانس بەلاڤ بو ی ئەس نەشێم دەست نیشان بکەم ژ بەرکو گەلەک هونەرمەندا کارتێکرن ل سەر من هەبویە بگرە ژ هونەرمەندێن کورد و یێن بیانیژی ، ئانکو ب دروستاهی هەر هونەرمەندەکێ وانەیەك یێ دایە من.
هەروەسا گۆت: ئەس ل سەر ستایلێن جوراوجور کاردکەم من ستایلەکێ تایبەت نینە، بەلێ یێ کو ژ هەمیا پتر ئەس حەز ژێ دکەم، فلکلورێ کوردیە هەمی سترانێت من گرنگن ل دەفمن هەر ئێكێ تاما خوە یا تایبەت هەیە هەر سترانەکێ ناڤەروکەك هەیە و هەر ناڤەروکەکێژی پەیامەك تایبەت هەیە ، یا گرنگ ل دەفمن پێشکەفتنا گوهداریا سترانا کوردیە یێ کو ئەڤە چەندین سالە کەفتیە د چالەکا کویر دا و ئەم هەموو بزاڤان دکەین دا ژ وێ چالێ بدەرکەڤیت و گوهداریا سترانبێژێن بێ پەیام بێ هەست بهێلیت پاشەروژا مۆزیکا کوردی یا بەر ب خراپترین ئاستڤە دچیت ژ بەرکو هونەر د ڤی زەمانی دا یێ بوویە بازرگانی و ئەس نە یێ گەشبینم هەر کەسەکێ بیردانکا وی یا تژی بیت ژ ئارمانجا دێ شێت بسەرکەڤیت و من دڤێت تشتەکێ روهن بکەم گەلەک کەس دشێن ببن سترانبێژ بەس هەمی کەس نەشێن ببن هونەرمەند ، ژ بەرکو من خوە فێرکر هوزانێ بدانم و ئاوازێ بدانم ، مەرەما من هونەرمەندێ سەرکەفتی دڤێت خوە ب هێڤیا کەسەکێ ڤە نەهێلیت یان دێ رۆژەکێ ل ئەردێ کەڤیت و رانابیتەڤە گەلەک هونەرمەند ب ناڤودەنگ بوون لێ زویکا ب عەردی کەفتن ژ بەرکو ب هیڤیا هندەك کەسێن دیڤە بوون پلانا من ئەوە ببمە قوتابخانەك ژ قوتابخانێن هونەرێ کوردی هەتا کو ئەس ب دروستاهی شوین پێت خوە ل هونەرێ کوردی زێدە نەکەم ئەس دەستا ناداهێلم و دێ بەردەوام بم ئەز و گوهدارێت خوە گەلەک د ئێک دوو دگەهین هەموو دەما دبێژم سوپاس بۆ خودێ ئەوێ ب دروستاهی د هونەری دگەهیت و دزانیت هونەرێ جوان کیشکە یێ بویە گوهدێرو پشتەڤانێ من ، ب راستی ژی من پشتەڤانەکێ رەوشەنبیر یێ هەی ل دووماهیێ گوت:شیرەتا من بو گەنجێ کورد یێ کو دڤێت ل سەر ڤێ رێبازێ برێ بکەڤیت ، بلا دوو چەکا هەلگریت ژ بەرکو بچەکە کێ ب تنێ دێ هەر زوو بن ئاخ بیت ، مەرەما من ئەوە بلا هونەری نەکەتە رێکا پەیداکرنا نانێ خوە بلا کارەکێ دیژی دبەرا بکەت ژ بەرکو هونەرێ کوردی نانی نادەتە هەمی کەسێ ئەڤە ١٤ سالە ئەزێ ل سەر ڤێ خەباتێ هێشتا نان نەدایە من و هێشتا ئەس یێ وی بخودان دکەم .
