سوهەیب عەلی: تیما ئاكرێ هەڤڕكیێ بۆ ناسناڤێ لاوان دكەت
رەمەزان زەكەریا
د داخویانیەكێ دا پەیڤدارێ یانەیا ئاكرێ یا وەرزشی ئاشكراكر د نوكە دا ئاستێ تیما لاوان زۆر یێ باشە د كۆما خوەدا ئەوا ل رێزا دویێ دهێت ب كۆمكرنا نەهـ خالان كو زاخۆ ب ۱۲ خالان ل پێشیا رێز بەندیێ دهێت.
زێدەتر سوعەیب عەلی بۆ رۆژناما ئەڤرۆ گۆت : هەموو مەرەما یانەیێ ئەوە كو بۆ وەرزێ ئەڤسالە یێ خولا لاوان هەڤركیێ ل سەرناسناڤی بكەین، هەتا نوكە ئەم ل سەرخەتین دگەل هژمارەكا یاریزانا دا كو بشێین تیمەكا ب هێز دروست بكەین بۆ خولا نایابا كوردستانێ بۆ وەرزێ بهێت.
ناڤهاتی خویا كر: دگەل راهێنەر كاپتن هەژار سابر گفتوگۆ هەنە، ناڤبری هەتا بڕیارا خوە یا دوماهیێ بدەت ئەگەر بمینیت یان دگەل یانەیێ نەما دێ بزاڤا كەین ڕاهێنەرەكێ دی دەست نیشان بكەین بۆ تیمێ،ئاستەنگ و ئاریشەیێن پتریا یانەیان نەبوونا ئابووریەكێ باشە، ئەگەر ئەڤ ئاریشە چارە ببیت دێ هەموو كار ب دروستی رێڤەچن.
