مۆلەر: دەم هات ژ ئۆقیانۆسا ئەتلەسی دەرببازبم
ستێرێ ئەلمانی تۆماس مۆلەر چوونا خوە ژ یانەیا خوە بایرن میۆنخ ب فەرمی ڕاگەهاند و خولا ئەمریكا یا فوتبۆلێ ب قووناغەكا نوو و هەڤڕكی دانا بێ دیار كرنا یانەیا خوە بۆ وەرزێ بوو وەرزێ نوو.
ل دووڤ ڕاپۆرتێن رۆژنامەڤانی ل ئەلمانییا هاتییە بەلاڤكرن پشتی خاتر خواستنا تۆماس مۆلەری ژ جەماوەرێ یانەیا بایرن میۆنخێ و گۆتییە( نوكە دەم هات ئەز پێنگاڤەكا دی یا مەزن ژ دەریای ئەتلەسی دەربازبم، من دیرۆكەكا مەزن ل یاریگەها ئالیانز ئەرینا یا هەیی شانازیێ پێ دبەم)، ئەڤچەندە هاتە پشتراستكرن كو مۆلەر دێ بەر یانەیەكا ئەمریكا چیت سەرباری دیار نەكربوو، لێ كۆمبوونا مۆلەری دگەل بەرپرسێن یانەیا لۆس ئەنجلۆس یا ئەمریكی ددەمێ پشكدارییا یانەیا بایرن میونخێ د مۆندیالا یانەیان دا ل ئەمریكا بوویە بەلگە كو دێ چیتە یانەیا لۆس ئەنجلۆس.
مۆلەرێ 35 سالی هەر ژ 10 سالیێ دگەل یانەیا بایرنێ بوو، د ماوەیێ 25 سالان دا 33 ناسناڤ دگەل هەبووینە، دو ژ وان یێن چامپیۆنز لیگانە، ناسناڤەكێ كۆپا جیهانی یا یانەیان، 131 یارییان دگەل هەلبژارتیێ ئەلمانیا كرینە 45 گۆل هەنە و مۆندیالا جیهانی یا2014 دەستڤەئینایە.
