ئارنۆلد: هەلبژارتیێ ئیراقێ دشێت دەربازببیتە مۆندیالێ
د داخویانیەكا رۆژنامەڤانی دا گێرهام ئارنۆلد ڕاهێنەرێ هەلبژارتیێ ئیراقێ گەشبینییا خوە دیار كر كو تیما وی دشێت دەربازبیتە مۆندیالا جیهانی 2026ێ، بۆ ڤاڤارتنێن دووماهیێ ژی كارەكێ باش یێ دهێتە كرن.
ئارنۆلدی گۆت: من پێزانین ل سەر فوتبۆلا كێشوەرێ ئاسیایی یا هەی و چەندین هەلبژارتی بڕێڤەبرینە، ئەركێ مە ب سانەهی نابیت و دبیت هەڤڕكییەكا بهێز بهێتە كرن، ب هیڤیمە دەستكەڤتێ بەری 40 سالان ڤەگەڕینن و دەربازبینە مۆندیالێ.
بۆ زانین هەلبژارتیێ ئیراقێ دێ یاریێن خوە د قۆناغا پاشكۆیێ بۆ مۆندیالێ ل هەشت هەتا 14ێ چریا ئێكێ یا بهێت ل وەلاتێ سعۆدیێ كەت ئەوا دێ دو یارییان بەرانبەر هەلبژارتیێ سعۆدیێ و ئەندۆنیزیا ب شێوەیێ ئێك گەر كەت كو دبیتە كۆما دویێ، سەركەفتیێ ڤێ كۆمێ دێ ئێكسەر دەربازبتە مۆندیالا 2026ێ، كۆما ئێكێ پێكهاتینە ژ قەتەر، ئیمارات و عمان، یاریێن وێ دێ ل قەتەر هێنە كرن.
بۆ زانین شەش هەلبژارتی ژ كێشوەرێ ئاسیا دەربازبووینە ئەوژی، ئوردن، كوریا باشۆر، چاپان، ئوسترالیا، ئیران و ئۆزپاكسیتان.
