خواستەكا زۆر ل سەر هژیرێن ئاكرێ هەیە
رەمەزان زەكەریا:
نوكە ل دەڤەرا ئاكرێ وەرزێ پێگەهشتنا بەرهەمێ هژیرانە و ل بازاری خواستەكا زۆر ل سەر هەیە.
دلشاد عەلی، جۆتیارەكێ دەڤەرا ئاكرێ یە بۆ ئەڤرۆ گۆت: چاندن و بەرهەمئینانا هژیران ل دەڤەرێ بۆ سەر دەمێ باب و با پیران د زڤڕیت كو وان كارێ چاندنێ دكر، نوكە ئەم ژی هەر كارێ چاندنێ دكەین، رەنگە جاران وەك نوكە كریار نە بایە بەلێ نوكە خواستەكا زۆر ل سەر هەیە.
ناڤبری گۆت: ل دەڤەرا ئاكرێ چەندین جۆرێن هژیران هەنە وەك یەحیا بەگ و رەش و زەر و شاكری، دەستپێكا پێگەهشتنا بەرهەمی بهایێ وێ یێ گرانە بەلێ چەند هژیر زۆر دبیت بها كێم دبیت ، سالانە ژبەر گۆهرینا كەش و هەوایی رێژا بەرهەمئینانێ كێم و زێدە دبیت و خواستەكا باش ل سەر بەرهەمێ هژیران هەیە ژلایێ ناڤخۆ و گەشتیاران ڤە و ل گۆر ئامارەكا رێڤەبەریا چاندنا ئاكرێ ، 1500 بۆ 2000 دۆنەمێن ئەردی ب هژیران هاتینە چاندن پتر ژ 240 هزار دارێن هژیران هەنە.
