پتریا خەلكی حەزدكەن فێری ژەنینا ئۆرگێ ببن
بێوار حەمدی:
مۆزیكژەن (سامان قادر) كو دەرچۆیێ كولیژا هونەرێن جوانە/پشكا مۆزیكێ، د دیدارەكێ دا بۆ رۆژنامەیا ئەڤرۆ دیاركر كو دژیەكێ بچووكدا وی حەز ژ ژەنینا (ئۆرگێ) دكر، لەورا چوو دەف مامێ خوە و پشكداری د چەند خولان دا كر و ل بەر دەستێ وی فێربوو.
هەروەسا گۆت: هەتا نوكە من هژمارەكا پشكداریان د ئاهەنگان دا هەنە، ب تایبەت ژی لایڤ مۆزیكان و داهاتێ بۆ من ژێ دهێت ئەز ژیانا خوە پێ ب رێڤەدبەم و خۆشیا ئامیرێ ئۆرگێ ئەوە ل گەل هەموو جۆرێن سترانان و ستایلێن هونەری یێن رۆژئاڤا و رۆژهەلات دگونجیت و پتریا خەلكی حەزدكەن فێری ژەنینا ئۆرگێ ببن.
