خوەبەخش خولێن مۆزیكێ ڤەدكەت
هەرهین محەمەد:
مۆزیكژەن و ئەندامێ تیپا روباد یا مۆزیكێ (نژیار یاسین) د دیدارەكێ دا بۆ رۆژنامەیا ئەڤرۆ دیاركر كو ب رێكا چالاكیێن قوتابخانەیان وی دەست ب ژەنینا مۆزیكێ كریە و نوكە هەردو ئامیرەیێن (عۆدێ و جۆمبشێ) ب باشی دژەنیت.
هەروەسا گۆت: ئەو تشتێ مۆزیكژەنی ژ كەسێن دی جودا دكەت بەهرەیا وی یە، ژبەركو هەست و سۆزێن وی جوداترن ژكەسێن دی، بۆ زانین بەری نوكە من چەند خۆلێن مۆزیكێ ب خوەبەخشی بۆ ئاوارەیێن رۆژئاڤا ڤەكرینە و یا باشتر ئەوە ئەو كەسێن دڤێن فێری ژەنینا ئامیرەیێن مۆزیكێ ببن ب رێكێن ئەكادیمی خوە فێربكەن، دا بشێن خزمەتەكا باشتر بكەن.
