شانۆگەریەكا كوردی ل وەلاتێ (فرەنسا) هاتە نیشادان
زنار تۆڤی:
نەژاد نەجم، بەرپرسێ گرۆپێ شانۆیا هەوار ل باژێرێ كەركووكێ، د دیدارەكێ دا بۆ رۆژنامەیا ئەڤرۆ دیاركر كو گرۆپێ وان ب شانۆگەریا (سەلما) ل گەڕا پازدێ یا فەستیڤالا نێڤدەولەتی یا سەمایێ و مۆزیكێ و شانۆیێ ل باژێرێ پاریس ل وەلاتێ (فرەنسا) پشكدار بووینە، كو ئێكە ژ مەزنترین فەستیڤالێن شانۆیێ ل وەلاتێ فرەنسا و بۆ دەمێ پێنج رۆژان دێ یا بەردەوام بیت، چەندین گرۆپێن شانۆ و مۆزیكێ یێن جیهانی پشكدار بووینە.
ناڤهاتی گۆت: مە ب نوونەراتیا هەرێما كوردستانێ و ئیراقێ پشكداری د وێ فەستیڤالێ دا كرییە، شانۆگەریا( سەلما) مە نیشادا، كو ناڤەرۆكا وێ بەحسێ ئەنفالێ و هەلەبجە و كۆچكرنا كوردان بۆ دەرڤەیی وەلاتی دكەت و شانۆگەریا مە بۆ جهێ رازیبوونا بینەران و رێز ل كارێ مە هاتە گرتن و ڤێ شانۆگەریێ ل چەندین وەلاتێن عەرەبی خەلاتێن مەزن ب وەرگرتینە.
