رۆبۆتێن پاقژکرنا مالێ پاشه‌رۆژه‌كا گه‌ش هەیە
سندس سالح سلێڤانەی:
د سەردەمێ مە یێ نوکە دا، تەکنەلۆژیا بوویە پارچەکا گرنگ ژ ژیانا مە یا رۆژانە. ئێک ژ وان داهێنانێن نوو کو ژیانا مە یا رۆژانە ب ساناهیتر لێ كریه، رۆبۆتێن پاقژکرنا مالێ نە. ئەڤ رۆبۆته دهێنە دیزاینکرن بۆ پاقژکرنا ئەردی و روویێن دی یێن مالێ، ب رێیەکا هوور و ب رێکوپێک. د ڤێ راپورتێ دا، دێ تیشکێ ئێخینە سەر تایبەتمەندی، سود، کێماسی و پاشەروژا ڤان رۆبۆتان.
تایبەتمەندیێن رۆبۆتێن پاقژکرنا مالێ:
رۆبۆتێن پاقژکرنێ ب گەلەک شێوەیان دهێنە چێکرن، لێ گەلەک جاران ژی ب شێوەیەکێ بازنه‌یی و پان دهێنە دیزاینکرن دا کو بشێن ب ساناهی د بن کەل و پەلێن مالێ را دەرباز ببن. ئەڤ رۆبۆته ب سەنسۆرێن جۆراوجۆر هاتینە دروست کرن کو دهێلن ئەو:
– ئاستەنگان ببینن و خوه ژێ بپارێزن.
– سنورێن مالێ ناس بکەن.
– جهێن پیس ببینن و پتر ل سەر وان جها راوەستن.
– رێکا خوه ببینن و نەخشەیا مالێ چێبکەن.
– دشێن ب چارچكرنێ کار بکەن و دەمێ چارچا وان کێم دبیت ڤەگەرن جهێ خوه پڕكرنێ.
– دەم زێدەکرن:
ئەڤ رۆبۆته دشێن دەمێ مە یێ گرانبها ئازاد بکەن. دەمێ رۆبۆت کار دکەت، تو دشێ خوه ب کارێن دی ڤە مژوول بکەیی.
– پاقژیەکا باشتر:
رۆبۆت دشێن ب رێیەکا هوور و ب رێکوپێک پاقژ بکەن، دشێن ژی بگەهنە جهێن کو مرۆڤ ب زەحمەت دگەهنێ، وەک د بن کەل و پەلان را.
– پاقژکرنا بەردەوام:
گەلەک رۆبۆت دشێن ب خشتەیەکێ کار بکەن، ئانکو تو دشێ وان پرۆگرام بکەیی کو هەر رۆژ یان هەر چەند رۆژان جارەکێ پاقژ بکەن.
– باش بۆ کەسێن پیر و نەخۆش:
بۆ کەسێن کو نەشێن ب ساناهی کارێن مالێ بکەن، رۆبۆت دشێن ژیانا وان یا رۆژانە هاسانتر بکەن.
کێماسیێن رۆبۆتێن پاقژکرنێ
– بهایێ بلند:
یەکەم کێماسی ئەوە کو گەلەک رۆبۆتێن پاقژکرنێ بها بلندن و نە هەر کەس دشێت وان بکرن.
– سنورداری:
هەر چەندە ئەڤ رۆبۆته دشێن ئەردی پاقژ بکەن، لێ هێشتا نەشێن هەموو کارێن پاقژکرنێ بکەن، وەک پاقژکرنا جام، جلشویێ، یان مێزان.
– چارچکرن:
پێدڤیە هەر دەم بهێتە پڕكرن و گەلەک جاران پاتریا وان ڤالا دبیت بەری کو کاری ب دووماهی بینن.
– دبیت چێتر نەبن بۆ هەموو جۆرێن ئەردی. هندەک رۆبۆت بۆ ئەردێن تەختە باشن، لێ بۆ ئەردێن دی یێن وەک بالیفك و مافوران د خرابن.
پاشەرۆژا رۆبۆتێن پاقژکرنێ گەش خویا دبیت. ئەڤ تەکنەلۆژیا هەر رۆژ پێش دکەڤیت. ل رۆژێن پێش دا، دێ ئەڤ رۆبۆته زیرەکتر بن و پتر کارێن جۆراوجۆر کەن. دێ تەکنەلۆژیا زیره‌كیا دەستکرد (ئارتیفیشل ئینتلیجنس Ai) هێتە بکارئینان دا کو رۆبۆت چێتر کار بکەن و بشێن خوه د گەل هەر مالەکێ بگونجینن. هەروەسا، دێ بهایێ ڤان رۆبۆتان کێمتر بیت و پتر کەس دێ شێن وان بکرن. د دووماهیێ دا، رۆبۆتێن پاقژکرنێ پارچەکێ گرنگن ژ داهاتیا مالێن زیرەک کو دێ ژیانا مە یا رۆژانە هاسانتر و پاقژتر کەت.
