پاركا سەرهلدان ل دهۆكێ پرۆژەیەكێ ستراتیژی یە بۆ باژێڕی
سندس سالح
ل بەری دو روژێن بۆری بەرێز مەسرۆر بارزانی سەرۆكێ حكومەتا هەرێما كوردستانێ، پاركا سەرهلدان ل دهۆكێ ڤەكر. ئەڤ پرۆژە ئێك ژ گرنگترین پرۆژەیێن حكومەتا هەرێما كوردستانێ یە و ب رۆلەكێ بەرچاڤ رادبیت د خزمەتكرنا باژێری دا.
ناڤێ «سەرهلدان» ژ بویەرەكا گرنگ د دیرۆكا كوردستانێ دا هاتیە وەرگرتن. ل سالا ١٩٩١، چریسكا سەرهلدانێ دژی رژێما سەدام حسێن ل تاخێ بەروشكێ ل دهۆكێ دەستپێكر. ئەڤ سەرهلدانە بویە سەبەب كو باژێرێ دهۆكێ هەمی ژ دەستێ سەربازێن عیراقێ بهێتە پاقژكرن. ژ وی دەمی پێڤە، ئەڤ تاخە ب ناڤێ «تاخێ سەرهلدان» یێ ناڤدار ە و ژ گرنگترین تاخێن باژێری یە.
پاركا سەرهلدان ل جهەكێ دهێتە ئاڤاكرن كو پێشتر جهێ پیشەسازیا ترومبێلا بو. ئەڤ جهە ب دەمێ بوریە كەڤن ببو و نەدشیا پێدڤیێن باژێری یێن نوی بجهبئینیت. دەمێ بڕیارا ئاڤاكرنا پاركێ هاتە دان، هندەك نەحەزێن حكومەتێ هزر دكر كو ئەڤ جهە دێ هێتە فرۆتن بۆ بازرگانان و دێ بیتە جهێ چێكرنا شوقە و ڤیلایان. لێ ڤان هزرێن نەگەتیڤ راستی یا خۆ نەدیت و حوكمەتا هەرێمێ بڕیارا چێكرنا پاركەكا گشتی دا.
رووبەرێ پاركا سەرهلدان ٤٦ دۆنەمێن عەردی یە، و ئەڤ چەندە وێ دكەتە ئێك ژ مەزنترین پاركێن دهۆكێ. د ناڤ پاركێ دا، گەلەك خزمەتگوزاری هاتینە چێكرن،.
ئەڤ پرۆژە د دەمەكێ كێم دا هاتە تەمامكرن، ئەوژی دبیتە نیشانا سەركەفتنا تیمێن ئەندازیار و پلاندانەرێن كوردستانێ. هەروەسا، گەلەك دەرفەتێن كاری بۆ خەلكێ دەڤەرێ پەیدابوین، هەم د دەمێ ئاڤاكرنێ دا و هەم نوكە دەمێ پارك ڤەبوویە.
تێچوویا ڤێ پرۆژێ نێزیكی ١٠ ملیار دینارێن عیراقی بوویە، و حكومەتا هەرێمێ ب شێوەیەكێ راستەوخۆ سەرپەرشتیا ڤێ پرۆژێ كریە دا بشێن باشترین كوالیتی د ئاڤاكرنێ دا بێتە بكارئینان.
ل دەمێ ڤەكرنا پاركێ، بەرێز مەسرور بارزانی گۆت: «ئەڤ پرۆژە نە بتنێ بۆ دهۆكێ یە، بەلكو بۆ هەمی خەلكێ كوردستانێ یە. مە ڤێت جهەكێ گەشتیاری و خزمەتگوزاری بۆ وان چێكەین دا بشێن د ناڤ سرۆشتەكا كەسك و جوان دا دەمێن خۆش بۆرینن.»
یا بەرچاڤ ئەوە كو ئەڤ پاركە دێ بیتە جهەك بۆ راكێشانا گەشتیارێن ناڤخۆ و بیانی ژی، و دێ هاندەرێ بازرگانیێ و گەشتیاریێ بیت ل باژێرێ دهۆكێ. هەروەسا، پارك ب شێوەیەكێ ئەكۆلۆجی هاتیە ئاڤاكرن، و ب هزاران دار و درەختێن جۆراوجۆر لێ هاتینە چاندن، ئەوا كو دێ بیتە سەبەبێ باشتركرنا هەوایێ باژێری و دێ ژینگەهەكا پاقژتر بۆ خەلكی چێكەت.
پلانێن داهاتی ژی بۆ پاركا سەرهلدان هەنە، و حكومەتا هەرێمێ دێ هەوڵ دەت ل سالێن داهاتی دا چالاكیێن وەرزشی و كەلتوری لێ برێكبێخیت، و هاندەرێ خەلكی بیت بۆ روینشتن و پیادەكرنا چالاكیێن تەندرۆستی.
ژ لایەكێ دی ڤە، چەندین بنكێن تەندرۆستی و فریاكەفتنێ د ناڤ پاركێ دا هاتینە دامەزراندن دا د دەمێن هەیی دا خزمەتێ پێشكێشی خەلكی خو بكەن. هەروەسا، بنگەهێن ئاسایشی ژی هەنە بۆ پاراستنا پاركێ و وەلاتیان.
پاركا سەرهلدان دێ بیتە جهەك بۆ كۆمبوون و ڤەحەسیانا خەلكی، و دێ باندۆرەكا پۆزەتیڤ ل سەر ژیانا خەلكێ باژێری هەبیت. دەستخۆشی بۆ حوكمەتا هەرێما كوردستانێ و تایبەت بۆ بەرێز مەسرور بارزانی كو گرنگی ب ڤێ پرۆژێ دا و كر كو ببیتە راستی.
ئەڤ پرۆژە دیسان دیار دكەت كو حوكمەت بەردەوامە د چێكرن و ئاڤاكرنا پرۆژێن خزمەتگوزاری دا، و بەرژەوەندیا گشتی د سەر هەر تشتەكێ را یە.
