کێماسیێن د دیزاینێن ئایفۆن ١٧ پرۆ دا دێ تەلەفۆنا تە خراب کەن هەکە چارەسەر نەکەی
سندس سالح:
کومپانیا ئەپل ب مودێلێن ئایفون ١٧ پرو د سالا ٢٠٢٥ێ دا هاتیە بازارێ، لێ گەلەک بکارئینەر نوکە رەخنەیێن مەزن ل سەر دیزاینێ ڤان تەلەفونان دگرن. پشتی چەند حەفتەیان ژ بەڵاڤبوونا ڤان ئامیران، دیار بوویە کو د دیزاینێ وان دا کێماسیەکا بەرچاڤ هەیە، ئەڤە ژی دبیتە ئەگەرێ خرابکرنا وان.
د گوڤارا حەفتەیی یا تەکنەلوژیا بلند دا، ڤەکولینەکا نوو دەربارەی ڤێ کێماسیێ هاتیە بەڵاڤکرن. ب گوێرەی ڤێ ڤەکولینێ، بەشێ کامێرا یێ پرۆ و پرۆ ماکس گەلەک دەردکەڤیت ژ پشتا تەلەفونێ. یان دەمێ تو تەلەفونا خوە ل سەر مێزێ یان هەر جهەکی ددانی، تەلەفون ل سەر کامێرایێن خوە د راوەستیت. ئەڤە ژی دبیتە ئەگەرێ زیانێ بۆ کامیرێ و پشتا تەلەفونێ.
بسپورێن تەکنەلوژیایێ دبێژن کو کێماسیا سەرەکی د ڤی دیزاینی دا ئەوە کو کومپانیا ئەپل کەرەستێ چێکرنێ گوهوریە ژ تیتانیوم (کو د مودێلێن ١٥ و ١٦ دا دهاتە بکارئینان) بۆ ئەلەمنیوم. ئەڤ کەرەستەیێ نوو هندەک تەنکترە و باشتر گەرمیێ راکێشیت
هەروەسا، پشکا هەرە زیانمەند د ڤان تەلەفونان دا رەنگێ «پرتەقالی گەردوونی» یە. بکارئینەرێن ڤی رەنگی بەردەوام گازندەیان ل سەر ماڵپەرێن جڤاکی بەڵاڤ دکەن، چونکو سەلخاندن د ڤی رەنگی دا زووتر خویا دبن. هندەک بکارئینەر دبێژن کو تەنها دوی چەند رۆژان ژ کرینێ، کەنارێن تەلەفونێن وان هاتینە سەلخین، ب تایبەت د دەورا کامێرایان دا.
کومپانیا ئەپل هێشتا ب شێوەیەکێ فەرمی بەرسڤا ڤان گازندەیان نەدایە، بەلێ هندەک ژێدەرێن نێزیکی کومپانیێ دبێژن کو ئەو ب ژڤانن چارەسەریەکێ بۆ ڤێ کێشێ ببینن. ل گور ڤان ژێدەران، د چاککرنێن داهاتی دا، ئەپل دێ دیزاینێ کامێرایان گوهوریت داکو پتر تەخت بن دگەل پشتا تەلەفونێ.
چارەسەریا نوکە بۆ بکارئینەران ئەوە کو بەرگەکێ پاراستنێ بۆ تەلەفونێن خوە بکرن. ب ڤی شێوەی، بەرگ دێ کامێرایێن بلند پارێزیت و تەلەفون ل سەر بەرگی راوەستیت، نە ل سەر کامێران. ئەپل ب خوە بەرگێن تایبەت ب ڤان مودێلان دفروشیت، لێ بهایێن وان گەلەک بلندن، ژ ٥٩ یورۆ هەتا ٦٩ یورۆیانن. هندەک کومپانیێن دی ژی بەرگێن هەرزانتر دفروشن، ب بهایێن د ناڤبەرا ١٥ هەتا ٣٠ یورۆیان.
زانایێن پارێزگەها دهۆکێ دبێژن کو باشترین چارەسەری ئەوە کو بکارئینەر بەرگەکێ باش بۆ تەلەفونێن خوە بکرن، هشیار بن دەمێ تەلەفونێ ل سەر روکێن رەق دادنێن. د داویێ دا، هەر بکارئینەرەک دڤێت هشیار بیت کو تەلەفونێن بهادار وەک ئایفون ١٧ پرۆ پێدڤی ب هوشیاریەکا زێدە هەیە، دا پاراستی بمینن و درێژیێ ب ژیانا وان بدەن.
