د زیندانــێن بەعسیان ژی دا مە بـاجـا كوردینیێ ددا
سالار محەمەد دۆسكی:
5- 5
هەمان زیندانیێ سیاسی گۆتژی: زیندانیێ سیاسی ئەگەر یێ ساخ بیت دناڤا مللەتێ خوە دا وەك قارەمان دهێتـە هەژمارتن و ئەگەر یێ وەغەركربیت دهێـە هەژمارتن شەهید، حوكمەتا بەعس گەلەك ب چاڤەكێ كرێت تەماەی مە دكر ب بهانا وێ چەندێ كو ئەڤە دژی حكومەتێ وكوكمرانیێ رابووینە و ئەم گەلەك ب چاڤەكێ بچوویك تماشە دكرین و هەر چ تشتێ نەباشە ئەو دهاڤێـە پال مە و هەمی بزاڤێن وا ئەو بووینە ئەم دچاڤێن جڤاكی دا هەر گەلەك بچویك بین و ئەگەر كەسەك نەهاتبا سێدارەدان هەمی بزاڤ دهاتنەكرن و هەمی رێك ل گەل بهێنە بكارئینان دەروونێ وی دناڤا جڤاكی دا هەر یێ شكەستی بیت.
هەمان زیندانیێ سیاسی گۆت: ل سالا 1991 زڤریمە باژێرێ دهۆكێ و ب پیان چوومە باژێرێ سێمێلێ و دوف دا لوریەك هاتیە و پێ چوومە زاخو و گەهشتمە مرۆڤێن خوە وی دەمی كوستەرێن هەهەوالگێریێ ل گەلیێ زاخو دا دراوستیابوون و نەدهاتنە دهۆكێ و من پرسیارا خەلكی ژ كورەكی كر گۆت كەسەك نەمایە و دیسا من ترۆمبێلێن عەرەبان دیتن پیكەم چادركری و دهاتن كەفتنە مالێن خەلكێ مە و كەل و پەل و ناف مالی دزین،
بوومن گەلەك یا نەخوش بوو و دیسا ل زالگەها دهۆكێ خەلك پشكنین كر و پرژەنەك هاتبوو و زالگەهێ پشكینن كر وێ پرژنێ دكرە گری، دیمەنێن چوونا بەعسیا ل سەرهلدانێ من گەلەك كەیف پێ هات دەمێ من دیتی باژێرێن كوردستانێ هاتینە ئازادكرن و ئێدی مرۆف دشێت سەربەست بژیت و باخڤیت وپشتی ماوەكی زڤریمە باژێرێ مویسل لێ چونكە یێ زیندانكری بوویمم پێشتر چ كار و دامەزراندن و هەر چ تشت ب دەست من نەكەفت و هەتا چووم دا بخوە نڤێسینگەهەكا باش نڤێسیێ ڤەكەم پارێزگەها مویسل دەستیردان نەدامن و گۆت تویێ زیندان بووی و تە ئەو ماف نینە نڤێسینگەهێن باش نڤێسیێ ڤەكەی و نەچار بووم كاربكەم ب ناڤێن هندەكێن دی و دیسا من دەست ب كارێ دیزاینێ كر و من تەنشێن كوستەرا هێل دروستكرن چونكە وی دەمی ئابلوقە ل سەر ئیراقێ بوو یا ئورجینال نەدهات و من وەكی وێ چێ كر و ئەڤە كارێ من بوویە بۆ پەیداكرنا نانێ ژیانێ.
هەمان زیندانی گۆت: ل سالا 1999 من قەستا دەرڤە كر و پێنچ سالێن دكتورا دناڤبەرا زانكویێ بریتانیا و دهۆكێ دا من خاندن، دووف دا هاتمە باژێرێ دهۆكێ ل پشكا شێوەكاری ل زانكۆیا دهۆك ل گەل كاك سەعدی مە دەوام كر و دووف دا ئەو چوو بەر دلوڤانیا خودێ و دووف دا پشك هاتە راوستانجن و قوتابی نەدهاتنە وەرگرتن و دووف دا من بزاڤێن ڤەكرنا پشكێ دووبارە ل گەل چەند قوتابیێن خوە كرنە ڤە و ئەف سالە پشتی ژیێ من تەمام بووی هاتمە خانەنشینكرن.
ل دووماهیێ زیندانیێ سیاسی د. عەبدولحەمید گۆت: پێدڤی یە كار ل سەر ڤێ چەندێ بهێتەكرن ئەف گرفتێن دارایی ل سەر خەلكێ مە بهێنە راكرن چونكە خەلكێ مە نە پێدڤی ب ئەڤێ چەندێ یە و دیسا دادپەروەری هەبیت دناڤبەرا خەلكی دا و كار بۆ پێشڤەبرنا سكترێن پەروەردێ و ساخلەمیێ بهێتەكرن و كار بۆ پێڤەبرنا مللەتی بهێتەكرن چونكە مللەت ب زانستی و زانینێ پێش دكەڤن.
هەمان زیندانی گۆت: دەمێ جارەكێ هاتیمە ئازادكرن هەر ل (وحدە) هەوالگێریێ یێ دەستەسەركری بووم و من كار ژی دكر و لبن چاڤدێریێ دا بووم و هەر كەسەكێ سەردانا وێ پشكێ كربا من كارێ وانێ دەسپێكی ب رێڤەدبر و مە رەوانەی جهێن پێدڤی بۆ دكر و جارەكێ هێرش بوو و رۆژا دووف دا دا تیمەكێ نەتەوێن ئێكگرتی سەرەدانا مە كەت، هەڤالەكێ مە گۆت ئەو دیلێن هاتینە دەستەسەكرن و بەری تیمێن نەتەوێن ئێكگرتی و هەیڤا سور دا هێت ناڤێن وا تۆمار كەت هەر هەمی برنە بەر ساتری و رەمی كرن و جارەكێ دیلەكێ ئیرانی هاتبوو دەستەسەكرن و گەلكێ بچوویك بوو و دلێ من گەلەك ما پێڤە و من خوارنا خوە دایێ و جارەكێ دی ل گورەپانەكێ گەلەك دیلێن ئیرانی هاتبوو نە دەستەسەكرن و ئێك ژوانا گۆت ئەز كوردم و من نان و ئاف دا دیلان و من باوەری ب ئەوی شەری نەبوو و من ئەوێ كورد ب رێكەكێ ژناف ئەوێ‌ۆك ومێ دەرخست و نوزانم چ لێ هات دووف دا و دووف دا تیمەكێ هەوالگێریێ هات و گۆت تویێ ئەڤان دیلا نازدار دكەی و ئەڤان دەلال نەكە و نابیت تو ب ڤی كاری رابی.
