برایێ من ب تیزاڤێ هاتە سۆتن و بەعیسان جەنازەیـێ وی ژی نەدا مە
سالار محەمەد دۆسكی:
1- 3
ئێك ژ رێكخستیێن هەرە چالاك دناڤا شانێن نهێنی دا ل سنورێ دەڤەرا ئاكرێ (ناتق محەمەد عەبدولعەزیز ئاكرەیی) بەرنیاس ب (ناتق ملا عەزو ئاكرەیی) ژ بنەمالەكا كورد پەروەر و نشتیمان پەروەر ژ دایك بوویە و مەزن دبیت دناڤا پێلێن ژیانا سەخت و دژوار دا گەلەك قوناغێن ژیانێ دەرباز دكەت، ل دەسپێكا سالێن حەفتێیان برایێ وی دبیتە بەرپرسێ ئێكەتیا لاوان ل قەزا ئاكرێ و ئەڤێ چەندێ زێدەتر نێزیكی دۆزا ڕەوایا مللەتێ كورد دبیت، هەر ل ئەوان سالان برایەكێ وی ل نەوروزا سالا 1972 ل باژێرێ مویسل دهێتە دەستەسەركرن، و ب تێزاڤێ لەشێ وی دهێتە سۆتن و جەنازێ وی ژی بۆ مالبتا وی ناهێتە ڕادەستكرن، هەتا نوكە نەهاتیە زانین ل كیری یە، و ئەڤە بۆ ئەگەرەك دایك و بابێن وی گەلەك خەمگین و گەلەك خەمێ داكەن و هەر دو ژ قەهرێن كورێ خوە دا ب جەلتێ وەغەرا دووماهیێ دكەن، لێ ئەڤێ چەندێ وەك مالبات ژ خزمەت و خەباتێ نەراوستانن بەلكو هەمی خویشك و برایێن وی سوز و پەیمان نیكرنە ڤە، كو ل سەر هەمان رێزباز و شەنگستە خەبات و بەرخودانێ و خزمەتا گەل و نشتیمانێ خوە بكەن.
ناتق ئاكرەیی، ئێك كەسانێن دیار و بەرچاڤ ل سەرهلدانا پیرۆزا سالا 1991 د دیارەكێ دا ل گەل رۆژناما ئەڤرۆ گۆت: ل رێكەفتی 16/8/1980 ل سەر بانێ سیپەی ل سەر دەستێ هەڤالێ خو (محەمەد محیەددین) دهێمە دناڤ رێزێن پارتی دیموكراتی كوردستان دا وناڤێ نهێنی ل وی دەمی (مدرسە) بوو و ئەڤە بۆ دەسپێكەك دناڤا رێزێن پارتی دیموكراتی كوردستان دا وەك گەنجەك خەباتێ بكەم، و ل سەر هەمان رێبازا برایێ خوە یێ شەهید پەروەردە ببم.
ناتق ئاكرەیی، ئەندامێ نهینیێ پارتی دیمووكراتی كوردستان ل سالێن هەشتێیان گۆتژی: پشتی هاتیمە ناڤ رێزێن پارتی دیموكراتی كوردستان دا، ئێدی ئەم نە راوستیان و هەر ئێك ژ مە ژلایێ خوە ڤە بزاڤ و خەباتێن بێ ڕاوستیانكرن و چالاكیێن مە ل وی سەردەمی بەلاڤووك بووینە و دیسا ڕەوشەنبیركرنا هزرا خەلكێ ئاكرێ بوویە وی دەمی ئەم كومەكا گەجنان بووینە ل گەل ئێك و هەر هەمان دەم ژی و دیسا پەیوندیەكا باش من ل گەل هەر دو لژنێن (ئاكرێ و شێخان) هەبوو، و هەمان دەم من گەلەك جاران دەرمان ب رێكا هەڤالێن رێكخسنێ وەك ئەحمەد ناڤخوش ل دەڤەرا زێبارێ و ئەڤە ژی ژ رێكخستیێن مە بوو ل گەل سەعید شنی، خەلیل شنی، هونەرمەند حسێن حاجی دهنارتن بۆ پێشمەرگەی، هەڤالێن ئاكرێ ئەزبووم، محەمەد محیەدین، محەمەد سالح یونس ئەم هەرسێ پێكڤە بووین وەك برا و مە گەلەك باوەری ب ئێك و دو دهات و هەر چ نهێنی د ناڤبەرا مە دا نەبووینە ل سەر رێبازەكا نشتیمان پەروەر و كورد پەروەرانە ئەم هاتبووینە پەروەرەكرن.
ناتق ئاكرەیی، رێكخستیێ نهێنیێ چالاكێ پارتی دیموكراتی كوردستان ل دەڤەرا ئاكرێ ئەو ژی ئاشكراكر، بەری ئەم ب شێوەكێ فەرمی بهێینە ناڤ رێزێن پارتی دیموكراتی كوردستان دا ل سالا 1979 دەمێ بارزانیێ نەمر ملا مستەفا بارزانی وەغەرا دووماهیێ كری، مە ل سەر دیوارێن ئاكرێ نڤێسی وی دەمی ئەم چار كەس بووین ئەز و محەمەد جومعە، حازم محەمەد شەریف، مەردان شەریف گوران و بیرا من دهێت مەردانی نڤێسی و حازمی بویاغ د دەستی دا بوو و هەمان دەم ئەف هەر دوكێن دی مە زێرەڤانی دكر و بیرا من دهێتە مە ب زمانێ عەرەبی نڤێسی ب چوونا جەنەرال ملا مستەفا بارزانی خەلكێ ئاكرێ گەلەكێ خەمگینە و (انا للە و انا الیلە راجعون) بنی ژی مە چ كربوو خەلكێ قەزا ئاكرێ و ئەڤێ چالاكیێ گەلەك دەنگڤەدا و گەلەك خەلك هاتنە دەستەسەركرن و ژ هەڤالێن مە مەردان هاتە دەستەسەركرن و گەلەك هاتە ئێشاندن بەلێ سوپاس بۆ خودێ دانپیدان نەكر، و ئەو كەسێ ل سەر دەستێ وی هاتیمە دناڤ رێكخستنێن پارتی دیموكراتی كوردستان دا ئەو ژی هاتە دەستەسەركرن و گەلەك هاتە ئەشكەنجەدان و ئێشاندن و ئەو ژی ناڤێن مە ئاشكرا نەكرن، و ل سەر رێبازەكا پیرۆز هاتبوونە پەروەردەكرن و ئەڤە پێنگاڤەكا مەزن بوو وەك گەنجێن دەڤەرا ئاكرێ و ئەف چالاكیە بۆ دەرزیك و پێنگاڤا دەسپێكی بوومن كو بهێمە دناڤ رێزێن پارتی جیموكراتی كوردستان دا و هەتا نوكە ژی وەك خو بەخشە ل سەر ڤێ رێبازێ یێ بەردەوامم.
ناتق ئاكرەیی، زێدەتر گۆت: پشتی هەڤالێ مە مەردان كەریم هاتیە دەستەسەركرن مەترسیەكا مەزن كەفتە ناڤ دلێ مە چونكە ئەڤ هەڤالە ل گەل مە بوو ل ئەڤێ چالاكیێ و مە هزركر دێ ئەم هێینە ئاشكراكرن، چونكە حزبا بەعس وی دەمی گەلەك یا زالم بوو و هەر چ بهایێن مرۆڤایەتیێ ل دەف نەبوون، و سالێن هەشتێیان و تایبەت ئەو كەسێن دناڤ ئەڤان سالان دا ژیاین باش دزانن حوبا بەعس وەگی ئاگری هار ب بوو و هەمی بزاڤێن وێ ئەو بووینە گەنج و لاوێن كوردان بهێنە قركرن، وەك پێشتر مە ئاماژە پێكری كو مە ل سەر دیوارێن ئاكرێ ب بویاغێ نڤێسی بوو كو ئاكرێ یا خەمگینە ژ بەر وەفاتا جەنابێ ملا مستەفا بارزانی و پشتی گرتنا وی هەڤالێ مە ئەم گەلەك ترسیاین بەلێ ئەو ژی پەروەردەكاری رێبازەكا پیرۆز بوو سوپاس بۆ خودێ ئەم ئاشكەرانەكرین و كەفتە بەر گەلەك گڤاشتن و ئەشكەنجەدان و دیفچوون و ڤەكولینێ لێ ئەوی هەر كەسەك ئاشكەرانەكر و بیرا من باش دهێت ئەم ئەوان رۆژا ل مالێن خوە نەشیاین رازین و حەواندن نەبوو و هەر مە هزر كر ڤێ خولەكێ نە خولەكا دی دێ هێینە دەستەسەكرن و هەر كەسەكێ دەرگەه قوتابا مە هزر كر ئەمنا بەعس هاتەمە و هێشتا ئەم دناڤ ئەوان كاودانێ.
