فێستیڤالا خانی 3 دچاڤێن مێهڤانان دا
سالار محەمەد دۆسكی:
حاكم ئازاد حەمە ئەمین، نەقیبێ سەندیكا رۆژنامەڤانێن كوردستانێ بۆ رۆژناما ئەڤرۆ گۆت: دروشمێ فێستیڤالێ وێ چەندێ دگەهینت كو ئەڤرۆ میدیا گەلەك یا پێشكەفتی و سۆشال میدیا و تەكنەلۆژیا یا هاتی یە و بێ گومان مە خوە بەرهەف نەكریە و میدیا سەردەم گەلەك هەڤڕكی ئیناینە پێش و ژ بیر نەكەین بەرامبەر ئەڤێ پێشكەفتنێ چەوا كارێ خوە بكەین، سۆشال میدیا دێ چەوا بیتە پشكەك ژ داخواز و خواست و كێشەیێن مە یێن ناڤەندی و چەوا رۆژنامەڤێ پیشەیی دێ شێت كارێن خوە ب ڤێ رێكێ بەرەف پێشڤەچوونێ بەت، وەك سەندیكا رۆژنامەڤانێن كوردستانێ هەموو بزاڤان دێ كەین ل خولا داهاتی یا پەرلەمانێ كوردستانێ دچارچووڤێ قانوونا رۆژنامەڤانی ل هەرێما كوردستانێ ئەڤان بابەتان چارەسەربكەین و دڤێـت دو تشتان ژێك جودا بكەین و فەوزا ل میدیا پیشەیی دا نینە بەلكو فەوزا ل میدیا وەلاتی دا هەیە و دناف میدیا وەلاتی دا ژی دا تشتێ ئەرێنی و نەرێنی هەیە و ل سەر ئاستێ جیهانێ میدیا پیشەیی یا بزاڤا دكەت خوە ل گەل جیهانا ئەڤرۆ ب گونجینت و تایبەت میدیا وەلاتی، چونكە میدیەكا بلەزە و جیهانێ ژی تاقەتا ئەڤا هەموو پێزانینان نینە و خەلكی پێدڤی ب میدیەكا راستگۆ و بلەز و خودان پەیام هەیە.
بۆ زانین ل خولا بۆری نەخەشە رێگایە ل دور میدیا وەلاتی رادەستی پەرلەمانێ كوردستانێ كربوو و ئەڤ كارە ل گەل رێكخراوەكا بیانی و چەند كۆمپانیێن ئەمریكی هاتبوو ئەنجامدان و حەفتیا بوری ل گونگرەكی بوو سێ پشكێ، كونگرەی ل سەر ڤی بابەتی بوون ل ئەو كار ل سەر دانانا فلتەرەكی دكەن بۆ نموونە ئەف نووچە راستە یان راست نینە، ئەگەر رۆژنامەڤانێ پیشەسیی قانوونك هەبیت دیفچوونێ بكەت ئەرێ رۆژنامەڤانێ وەلاتی چەوا دیفچوون ل سەر بهێـتەكرن؟ هەر وەلاتەكی ب رەنگەكی چارەسەری بۆ ئەڤان بابەتان دیتی یە و ژ بیر نەكیەن رۆژنامەڤانا وەلاتی پشكەك ژ ئازادی یا وی دەربرینێ ژێ دكەت و دڤێت ئەم وێ ئازادیێ رێكبێخین و دێ چەوا زانیاریەكێ بەلاف كەت و ئەف زانیاریە راست بیت و كار بۆ دڤێت و مە دیتن هەیە چەوا دێ هێنە چارەسەركرن.
رێدار صابر، نڤیسەر و هەلبەستڤان ژ باژێرێ هەولێرێ یە، بۆ ئەڤرۆ گۆت: سێ فێستیڤالە تێدا پشكدار دبم و دبینم پێنگاڤەكا باشە بۆ پێشخستنا ئەدەب و بیاڤێ رۆژنامەگەریێ ل كوردستانێ و رۆژنامەڤان و ئەدیب و رەوشەنبیر ل هەر چار پارچەیێن كوردستانێ هزر و بیروبوچوونێن خوە لێك دگوهۆڕن پتر ئێك دو نیاسن و داخواز دكەین فێستیڤالا خانی سالانە بەردەوام بیت و پێشكەفتنێن باشتر ب خوە ڤەبینت و خەلكەكێ دی ژی پشكدار بیت و دێ رەنگڤەدانەكا دی تر هەبیت دناڤا كەلتورێ كوردی دا و ناسنامەكا باشە بۆ مللەتێ كورد و دروشمێ فێستیڤالێ گەلەك یێ جوان بوو و گرنگە كار ل سەر میدیا سەر دەم بكەین و چەوا خوە ل گەل ئەڤرۆ ب گونجینین و مە پێدڤی ب هەیە و كار بۆ ئەوا ئاریشا بكەین و ئەم دشێن راگەهاندنا باش و نەباش ژێك جودا بكەین.
محەمەد فەتاح، هونەرمەندێ شێوەكار و رێڤەبەرێ بەرێ یێ رەوشەنبیری و هونەری ل باژێرێ سلێمانیێ و هەلەبجە بۆ ئەڤرۆ گۆت: فێستیڤالا خانی ئێك ژ سیمایێن رەوشەنبیری و جوانی یا باژێرێ دهۆكێ هەیە و گەلەك مێهڤان بەرهەڤ دبن و ئەف جارە یا گرێدایی میدیا سەردەم و دەستكرت و ناف و نیشانەكا جوان هاتیە هەلبژارتن وب وێ ئومێدێ ئەڤرۆ بگەهنە هندەك رێنما و راسپاردێن جوان ب وێ چەندێ ل داهاتی كار ل سەر بهێتەكرن ل كوردستانێ و چاڤێ مە هەر ل سەر وێ چەندێ یە كو تشتێ باشتر بۆ كوردستانێ پێشكێش بكەین و پێنگاڤێن باش هاتینە هاڤێـن و تایبەت دبیاڤێ میدیا و كارێ راگەهاندنێ دا و ئێك سیاسە دبیاڤێ راگەهاندنێ دا و ئێك گوتارا سیاسی میدیایی ئەڤە وێ چەندێ دگەهینت كو ئەم هەمی وێ بزاڤێ دكەین ئەگەر ل گەرمیان، هەولێر ، دهۆك، سلێمانین ئێك گوتار مە هەبیت ئەو ژی گوتارەكا نشتیمانی بیت و دڤێت ل گەل دەمی بچین و خوە ب گونجینین و چ تشتێ باشە بۆ داهاتی دناڤا راگەهاندنێ دا زێدە بكەین و ئەگەر كێشەك هەبیت چارەسەر بكەین و دڤێت مە چارەسەری بۆ داهاتی هەبن.
مەسعود پەریشان، نڤیسەر و شاعر و رۆژنامەڤان ژ باژێرێ هەولێرێ، بۆ رۆژناما ئەڤرۆ گۆت: هەرسێ فێستیڤالێن خانی پشكدار بوویمە و ئەف فێستیڤالە شیایە سەربەخویەكێ دناخێ خوە دا یا تایبەت دروست بكەت، تشتێ من ڤێت ئاماژێ پێ بدەم ل پەنەلێن رۆژا ئێكێ رێكخستن دناڤبەرا بابەتان دا و پەنەلان دا نەبوو و دڤێت رێكخستن دناڤبەرا ئەوا هەرسێ كەسێ، پەنەلەكی دا پشكدار هەبیت نەكو سێ بۆچوونێن جودا هەبن و دیسا ماوێ بۆ گەنگەشێ هاتیە دەستنیشانكرن گەلەكێ كورت بوو و ئەو كەسێ گەنگەشێ دكەت رەنگە نەشێت ب دروستی پەیاما خوە ب گەهینت و شیان هەبوون كارەكێ كێمتر و ماوەكێ زێدەتر بهێـە دابینكرن بۆ ئەڤێ چەندێ و هەتا مفا ژی بهێتە وەرگرتن و ئەڤە ڤیانەكە بۆ داهاتی ئەف چەندە دووبارە نەبیت.
