گرنگیا ئابدەیتکرنا مۆبایلێ
سندس سالح:
تەکنولوجیا مۆبایلێن زیرەک ب هێزەکا مەزن پێش دکەڤیت، ژ بەر ڤێ چەندێ، ئابدەیتکرنا مۆبایلێن مە گەلەک گرنگە. ئەڤ ئابدەیتە نە ب تنێ کارئینانا مۆبایلێن مە باشتر دکەن، بەلکو ئەو پاراستنا مۆبایلێن مە و زانیاریێن مە ژی دسەلمینن. د ڤێ راپۆرتێ دا، دێ بەحسێ گرنگیا ئابدەیتکرنا مۆبایلان و چەند خالێن گرنگ کەین کو هەر کەسەک پێدڤی یە بزانیت.
پاراستنا ژ مەترسیێن ئەمنی
ئێک: گرنگترین سەدەما ئابدەیتکرنا مۆبایلێن مە، پاراستنا ژ مەترسیێن ئەمنی یە. هەر رۆژ، گروپێن هاککەران بزاڤێ دکەن رێکێن نوو ببینن، دا کو بکەڤنە ناڤ مۆبایلێن مە و دەست ب سەر زانیاریێن مە دا بگرن. کومپانیێن مۆبایلان وەک ئەپل و ئەندرۆید ب رێکا ئابدەیتان ڤان مەترسیان چارەسەر دکەن.
ئەگەر مۆبایلێ ئەم ئابدەیت نەکەین، تەلەفونا مە دێ بەرامبەر ڤان مەترسیان بێ پاراستن بیت. هەکەر دشێن ب رێکا ڤان کێماسیان بگەهنە ناڤ مۆبایلێن مە و دەست ب سەر زانیاریێن مە یێن گرنگ دا بگرن وەک ناڤ و ژمارێن کارتێن بانکی، نهێنیێن مە، وێنەیێن تایبەت، ئیمەیل و ناسنامەیێن مە.
باشتر کارکرنا مۆبایلێ
دو: یا گرنگ کو بۆچی دڤێت ئەم مۆبایلێن خۆ ئابدەیت بکەین، باشتر کارکرنا مۆبایلێ یە. هەر ئابدەیتەک، چارەسەریا چەند خەلەتیان دکەت و کارکرنا مۆبایلێ باشتر دکەت. بۆ نموونە، ئەگەر تەلەفونا تە گەلەک هێدی کار دکەت، یان پاتریا وێ زوو خلاس دبیت، یان بەرنامە تێدا باش کار ناکەن، ئابدەیتکرن دشێت گەلەک ژ ڤان کێشان چارەسەر بکەت.
ئابدەیتا نوو دشێت بەرنامەیان باشتر و خێراتر بکەت، پاتریا مۆبایلێ درێژتر بکەت، ئەو دشێت تەلەفونا تە ب هێزتر و رێکوپێکتر بکەت.
تایبەتمەندیێن نوو
سێ: گرنگیا ئابدەیتکرنێ، تایبەتمەندیێن نوی نە کو ب رێکا ڤان ئابدەیتان دهێنە زێدەکرن. کومپانیێن مۆبایلان هەمی گاڤا هەول ددەن تایبەتمەندیێن نوی بۆ بکارئینەرێن خۆ پەیدا بکەن. بۆ نموونە، ئابدەیتا ئەپلی یا دووماهیێ سیستەما “چاڤدێریا ڤەنیشتنێ” زێدە کر، کو ب رێکا وێ دشێ جهێ تەلەفونا خۆ بزانی حەتا ئەگەر پاتریا وێ ژی خلاس ببیت.
ئەندرۆید ژی گەلەک تایبەتمەندیێن نوی زێدە دکەت ب رێکا ئابدەیتان، وەک باشتر بونا کامیرێ، تایبەتمەندیێن نوی یێن پاراستنێ، و تایبەتمەندیێن هەڤرکی یێن دی.
پشتەڤانیا بەرنامەیێن نوو
چار: کو بۆچی دڤێت ئەم مۆبایلێن خۆ ئابدەیت بکەین، پشتەڤانیا بەرنامەیێن نوو یە. هندەک بەرنامە تنێ ب سیستەمێن مۆبایلێن نوو کار دکەن، ئەگەر تەلەفونا تە کەڤن بیت، تۆ نەشێی ڤان بەرنامەیان بکار بینی. بۆ نموونە، ئەگەر تە سیستەمێ ئەندرۆید کەڤن هەبیت، تۆ نەشێی بەرنامەیێن نوو یێن گوگل پلەی داونلۆد بکەی، ئەڤە دێ بیتە ئەگەرێ کو تۆ نەشێی هندەک بەرنامەیێن گرنگ بکار بینی.
شێوازێ ئابدەیتکرنێ
پێنچ: خالا گرنگ د ڤێ راپۆرتێ دا، شێوازێ ئابدەیتکرنێ یە. ئابدەیتکرنا مۆبایلێ ئاسانە، لێ دڤێت چەند تشتان بینیە بیرا خۆ:
– پاتریا مۆبایلێ دڤێت باش تژی بیت، باشترە ژ ٥٠٪.
– دڤێت ئینتەرنێتەکا باش هەبیت، باشترین رێک ب رێکا وایفای یە.
– دڤێت جهەکێ ڤالا د ناڤ مۆبایلێ تە دا هەبیت بۆ ئابدەیتێ.
بۆ ئابدەیتکرنێ، رێڤەبەریێن تەلەفونا خۆ، پاشی بچیە بەشێ ئابدەیتێ، دێ لێگەریانێ کەی ئابدەیتێن نوو. ئەگەر ئابدەیتەک هەبیت، دێ کلیک ل سەر “داونلۆد و ئینستال” کەی.
