ل به‌غدا دێ شه‌ڕی بۆ ده‌ستڤه‌ئێنانا مافێن خه‌لكێ خۆ كه‌ین
لەزگین جوقی
به‌ربژاره‌كا پارتی دیموكراتی كوردستان ئاماژه بۆ وێ كر، پارتی داكۆكیكه‌رێ راسته‌قینه یێ خه‌لكێ ئێزدی بوویه و د ڤان هه‌ڵبژارتنان ژی دا دێ سه‌ركه‌فتنه‌كا مه‌زن ب ده‌ستڤه ئینین و گۆت: ”پارتی داكۆكیكه‌ر و پشته‌ڤانێ ئێزدییان بوویه، له‌ورا د هه‌می هه‌ڵبژارتناندا پارتی زۆرترین په‌رله‌مانتار ل سنوورێ شێخان و شنگال هه‌بووینه و زۆرترین ده‌نگ ژی دناڤ ئێزدییان ب ده‌ستڤه‌ئینایه.“
ژیان فه‌قیر جوندی، به‌ربژێرا ژماره ١٧ لسه‌ر لیستا ٢٧٥ یا پارتی دیموكراتی كوردستان گۆت: «چاڤه‌رێ دكه‌ین ڤێ جارێ سه‌ركه‌فتنا مه‌زن یا پارتی دێ هێته ڕاگه‌هاندن ل ده‌ڤه‌رێن ئێزدیان ب تایبه‌ت قه‌زا شێخان. هه‌ر نوكه خه‌لكێ شێخان و ئاواره ب جۆش و خرۆش پشته‌ڤانیا مه‌زن بۆ لیستا پارتی دیموكراتی كوردستان دكه‌ن، له‌ورا بۆ ڤێ هه‌ڵبژارتنێ هیچ لیسته‌كێ ب هه‌ڤركێ پارتی نزانین دێ پارتی ئێكه‌م بیت.
ئه‌و ژی به‌رچاڤكر: ”پارتی داكۆكیكه‌ر و پشته‌ڤانێ ئێزدییان بوویه، له‌ورا د هه‌می هه‌ڵبژارتناندا پارتی زۆرترین په‌رله‌مانتار ل سنوورێ شێخان و شنگال هه‌بووینه و زۆرترین ده‌نگ ژی دناڤ ئێزدییان ب ده‌ستڤه‌ئینایه.“
به‌ربژارا پارتی ته‌كه‌ست ژی كر: ”سه‌ركه‌فتنا مه‌زن یا پارتی ڤێجارێ ل ده‌ڤه‌رێن ئێزدیان دێ كه‌ینه دیاری بۆ سه‌رۆك بارزانی، پارتی دێ ل هه‌می ده‌ڤه‌ران ژی بیته هێزا ئێكێ و ب پشته‌ڤانیا جه‌ماوه‌رێ كوردستانێ، ڤێ جارێ دێ پارتی زۆرترین ده‌نگان ده‌ستڤه ئینت و ژبلی وێ چه‌ندێ ژی دێ ل به‌غدا شه‌ڕی بۆ بده‌ستڤه‌ئێنانا مافێن خه‌لكێ خۆ كه‌ین“.
