ئەرێ دروستە دگەل دوگیانیێ ریجێم بهێتەکرن؟
د. جنان نوری حسن، تایبەتمەندا نەخۆشیێن ژنان و زاڕۆكبوونێ دیارکر گەلەک ژن هەنە ل دەمێ دوگیانیێ دا هەولا خۆ زەعیفکرنێ(ریجیم) دکەن و خۆ ژ هندەک خوارنان دووردئێخن داکو کێشا وان کێم ببیت و گۆت: ب چ رەنگا چێنابیت ژنا دوگیان د ماوێ دوگیانیێ دا ریجێمێ بکەت، چونکو ئەو ب خو پێدڤی زێدەتر کالوریانە ژ بەر دوگیانیێ، هەکە ڤیا کێشا وێ بێتە خوار ب تنێ وان خوارنا دێ کێم کەت یێن دبنە ئەگەرێ قەلەویێ وەکی نانێ سپی و برنچ هەروەسا شرینی، پێدڤیە وان شرینیا هەر بخۆت یێن سروشتی وەکی فێقی و هنگڤین، بەلێ کو ب جارەکێ وان خوارنا نەخۆت دێ زیان بو دوگیانیا وێ هەبن.
تایبەتمەندا نەخوشیێن ژنان و زاڕۆكبوونێ ئەوژی دیارکر کو ئەو ژنێن دڤێت دوگیان ببن و ریجێمێ بکەت پێوڤیە ئەو ریجێما خو راوەستینیت و پشتی شەش هەیڤان ب دوگیان بکەڤیت داکو ئەو ڤیتامینێن ژ دەستداین بو بزڤرنە ڤە و دوگیانیەکا ساخلەمبیت، چونکی ئەڤ زاڕۆکە پێدڤی گەلەک جورێن ڤیتامینایە وەکی ڤیتامین دی هەروەسا کالسیومی و ڤیتامین سی و گەلەکێن دی کو ئەڤە دناڤا وان خوارناندا هەنە و پێدڤیە زێدەبکەت .
ل دووماهیێ د. جنان نوری حسن، تایبەتمەندا نەخۆشیێن ژنان و زاڕۆكبوونێ خویاکر پێدڤیە ژنێن دوگیان بەردەوام وان خوارنان بخۆن یێن تژی ڤیتامین وەکی ڤەخارنا شیری و زەرزەواتی، هەروەسا سپیاتیا و هێکا و گوشتی دگەل خارنا فێقی و گۆت: د دوگیانیێ دا کێشا لەشی ب خۆ زێدەدبیت و ئەگەر کێشا ژنەکێ زێدەنەبوو وی دەمی ئاریشەکا هەی و ژنا دوگیان ژ دەھ کیلویا حەتا سێزدە کیلویا زێدەدبیت و هەکە کێمتربوو وی دەمی ئاریشەکا هەی و پێدڤە خوارنا خۆ دروست بکەت .
