مەروان غازی ئەترووشی مزووری: دێ ل سەر بنەمایێ شەفافیەتێ د بەلافكرنا داهاتی دا كاركەم
سالار محەمەد دۆسكی:
مەروان غازی ئەترووشی مزووری، بەربژارێ ژمارە (60) د لیستا پارتی دیموكراتی كوردستان یا ژمارە (275) دا ل پارێزگەها نەینەوا بۆ رۆژنامەیا ئەڤرۆ گۆت: پرۆگرامێ من یێ پەرلەمانی ل سەر خزمەتكرنا خەلكی كار دكەت، ل دەسپێكێ و ب رژدی كاركرن بۆ دانانا هندەك قانوونا كو تێدا مافێ وەلاتیان تێدا بهێتە پاراستن، هاریكاربیت بۆ ئارامكرنا هەرێما كوردستانێ و چەسپاندنا بەلانسێ د بەلاڤەكرنا داهاتێ وەلاتی دا دناڤبەرا هەمی پارێزگەهان دا ب شێوەكێ دادپەروەرانە و زێدەباری پشتگێریكرنا پرۆژێن ئاڤەدانكرنێ و كاركرن بۆ پێشڤەبرنا شیانێن ئافرتان و گەنجان ژ هەر روویەكی ڤە و باشكرنا پەیوەندیان دناڤبەرا هەرێم و بەغدا دا ل سەر بنیاتێ دەستوری و هەڤپشكیا نشتیمانی.
مەروان غازی ئەترووشی مزووری، بەربژارێ هژمارە (60) دیار كر، پارتی خەباتەكا دیر و درێژ هەیە ژ بەرخودان و خزمەتكرنا وەلاتیان ژ هەر روویەكی ڤە و شیانێن مەزن هەبووینە د رێڤەبەربرنا بەلانسێن نشتیمانی دا و دێ هەمی بزاڤا كەم دا رۆلێ پەرلەمانی ببیتە پرەك بۆ لێك تێگەهشتنێ دناڤبەرا هەمی پێكهاتێن وەلاتی دا و زێدەتر خزمەت بهێنە ئەنجامدان.
زێدەتر گۆت: هەلبژارتنا من باوەریەكا گەلەك مەزنە و شانازیێ پێ دبەم و ئەڤە ژ ئەنجامێ كاركرن و وەستیانا من د بیاڤێن لەشكەری و كارگێری و جڤاكی دا، هەمی دەما دێ كاركەم دا ببمە دەنگێ باوەریێ بۆ خەلكێ كوردستانێ و هەمی ناوچە و دەڤەرێن مووسلێ بۆ بەرەڤانیكرنێ ژ مافێن وان و چەسپاندنا دادپەروەیا جڤاكی و خزمەتێن بەردەوام.
بەربژارێ هژمارە (60) ل سەر پارتی دیموكراتی كوردستان ل پارێزگەها نەینەوا گۆت: پرۆگرام و دروشمێن پارتی دیموكراتی كوردستان نوونەراتیا هزرا سیاسی یا پارتی دیموكراتی كوردستان دكەن، چونكو هەڤپشكی رامانا وێ دا هەمی لایەن پشكداریێ د بریارا نشتیمان پەروەری دا بكەن و گۆت: دێ كاركەم بۆ پشتێگریكرنا قانوونا مافێن فەرمانبەرێن هەرێما كوردستانێ دپارێزیت، دێ هاریكاری و پشتەڤانیا هەمی پرۆژێن ئابووری كەم ئەوێن ژلایێ گەنج و ئافرەتان ڤە دهێنە برێڤەبرن و دێ كار ل سەر هندەك پرۆگرامێن راهێنانی و دەرفەتێن كاری یێن بەردەوام رۆخسینم و قانوونێن پاراستنا ئافرەتا كاركەر و پشتەڤانیا پشكداریا گەنجان د ژیانا سیاسی و ئابووری دا، چونكە پاشەرۆژا مللەتێ مە ل سەر دەستێ گەنجان دهێتـە ئاڤاكرن و پێشڤەبرن.
