ڤیان سامی: پارتی بەرنامەیەكێ مەزن بۆ زێدەتر خزمەتكرنا خەلكێ كوردستانێ و ئیراقێ دانایە
لەزگین جوقی
بەربژارا ژمارە 51 ل سەر لیستا 275 یا پارتی دیموكراتی كوردستان بازنێ نەینەوا راگەهاند، بۆ ڤەكەراندنا دەڤەرێن تەعریبكری و قەرەبووكرنا خەلكێ زەرەرمەند و ئاڤاكرنا بنگەهێن ساخلەمیێ بۆ خودان پێدڤێن تایبەت دێ ل جڤاتا نوونەرێن ئیراقێ كار كەین.
ڤیان سامی ئیسماعیل محو، بەربژارا ژمارە 51 ل سەر لیستا 275 یا پارتی دیموكراتی كوردستان بازنێ نەینەوا گوت، دچارچووڤێ كارناما پارتی دیموكراتی كوردستان دا دێ ل بەغدا كاركەین كو پارتی بەرنامەكێ مەزن بۆ زێدەتر خزمەتكرنا خەلكێ هەرێما كوردستانێ و ئیراقێ دانایە، دێ ل سەر كاركەین و بەردەوام خزمەتا خەلكێ خۆ ل هەمی دەڤەران بێ جوداهی كەین، چونكە پارتی هەردەم خزمەتا خەلكێ دكەت یا هەمی ئاین و نەتەوەیان.
ئەو ژی دیار كر، بۆ خزمەتكرنا خەلكێ خۆ ب تایبەت گەنج و ئافرەتان، دێ كارەكێ مەزن ئەنجام دەین، ب تایبەت بۆ دەرچوویێن كولیژ و پەیمانگەهان، هەمی بهێنە دامەزراندن ئەوین مالێن وان ل دەڤەرێن كوردستانێ یێن گرێدایێ مادێ 140ێ و پێدڤیە بەغدا بێ جوداهی دەرچوویان دامەزرینیت، ئەڤە دێ ئێك ژ خالێن بەرنامێ من بیت بۆ خزمەتكرنا خەلكێ خۆ.
ڤیان سامی، بەربژارا ژمارە 51 ل سەر لیستا 275 یا پارتی دیموكراتی كوردستان گۆت ژی: دێ كار كەین بۆ ڤەگەراندنا دەڤەرێن كوردستانێ گرێدایێ مادێ 140 و بجهئینانا دەستوری ئیراقێ د بەرژەوندیا هەمی خەلكێ دا، هەروەسا قەرەبووكرنا خەلكێ خۆ ئەوێن هاتینە تەعریبكرن، هەتا نوكە د مەقدرن و نەهاتینە قەرەبووكرن و دێ كاركەین بۆ خزمەتكرنا خەلكێ خۆ ل هەمی دەڤەران.
