13 سالان ئـەز د زیندانێن حوكمەتا بەعس دا مام و نەیێ پەشێمانم
سالار محەمەد دۆسكی:
7-7
زیندانیێ سیاسی، جەلال حەسەن رەشو، گۆت: پشتی دادگەهێ ئەم هاتینە رەوانەكرن بۆ زیندانا ئەبو غورێب و ئەوێ ژی وێزگەهـ گەلەكن و گەلەك روودان ل زیندانێ دا ب سەرێ مە هاتن 3/8/1983 هاتبوومە دەستەسەركرن، حەسەن عەلی خەنجەر دو جاران هاتە دەستەسەركرن و ئازاكرن و دوبارە هاتە دەستەسەكرن هاتە زیندانێ هێشتا ئەزێ تێڤە و ئەو لێبورینا 1988 هاتە ئازادكرن و لێبورینا 1988ێ ژ مە نەگرت و گۆتن نەتەوا هەوە ل رەگەزنامێ ئەرەبە و ئەڤ لێبورینە ژ هەوە ناگریت و هەر مە گۆت كێشا مە كوردی یە و ئەم پێشمەرگە بووینە گۆت لێبورین ناگریت هوون نەتەوە ئەرەبن ل رەگەزنامێ دا، پشتی بورینا 20 رۆژا لێبورینەكا دی هاتە دەركرن و گۆتن كورد و ئەرەب هەر هەمی بهێنە دەركرن و ئەم چووین مە دیفچوونا ناڤێ خوە كر گۆتن هوون پێشمەرگەنە و رێكخستی بووینە و ئەڤ بریارە ژ هەوە ناگریت.
هەر لێبورینەكا هوسا هاتبا دگۆتن ژ هەوە ناگریت و ئەم نێزیكی 40 كەسان بووین ویا ژ هەمیێ نەخوشتر ئەو بوویە بۆ نموونە ئەگەر مالا خوە ڤەگوهێزیە جهەكی دێ هندەك جیرانا بخوە دروست كەی و پەیدا كەی و دێ ئارام بی و ئەگەر جیرانێن تە چوون و هندەكێن دی هاتن و هەتا ل گەل ئەوا جیرانا خوە دگونجی نی دێ ئەو چن و هندەكێن دی دێ هێن و ئەڤە یا نەخوش بوو و مەرەما مە نەكو دەركەتنا ئەوان كەسان بوو بەلكو مەدڤیا ئەم ژی دەركەت باین و مە نەشیا سەحكەینە ئێك و دوو و ئەم هەمی وەكی ئێك بووین.
زیندانیێ سیاسی، جەلال حەسەن رەشو، گۆت: بابێ من گەلەك بزاڤكرن من ئازاد بكەت و چەند پارە و مال و زێر و ئەرد و هەر تشەكێ هەبیت و هەر هەمی چوو و هێشتا نەهاتیمە حوكمكرن و ئەوا ئەفسەرێن ئیراقێ وی چەندەك كورد بوون و ئێك هەبوو بناڤێ محەمەد نەیێ خراب بوو وی گۆت بتنێ رێكەك هەیە و مادا 75 بێژیت ئەگەر كەسەك ژیێ وی 18 سالان زێدەتر بیت و 20 كێمتر بیت ناهێتە سێدارەدان و ئەو مادە بوومەدنان و بتنێ ئەم دو هەیڤ بتنێ مابووین و ئەز هەڤالێ خوە ئەوێ خەتارێ هەر دو ئێك رۆژ و هەیڤ و سال و ژدایك بووین بووین 2/7/1963 و ئەگەر دو هەیڤ زێدەتر بانە ڤێ مادێ ژ مە نەگرت و ئێكسەر سێدارەدان بوو، من دایك و بابێن خوە ل زاخوە دیتن و ئەفە ب رێكا لیوا وەعدوللا رێڤەبەرێ پولیسێن دهۆك یێ بەرێ وی دەمی ئەفسەر بوو ل زاخوە و ئەوی ئەفسەر نیاسین و هاریكاریا دایك و بابێن من كر ئەز دیتم و دگۆتنێ دایكا وی دێ دین بیت و باوەرناكەت كورێ ویێ ساخە، هەمان دەم ل زیندانا ئەبو غورێب ژی بەردوام دایك و بابێن من سەرەدانا مەدكر و ئەو ژی چیرۆكەكا نەخوش بوو و هەر دو نوكە ل ژیانێ دا نەماینە و بابێ من وەغەركر و پشتی 30 رۆژ دایكا من ژی وەغەر كر.
زیندانیێ سیاسی، جەلال حەسەن رەشو گۆتژی: هاتنا دایك و بابێن من دەمێ دهاتنە زیندانا ئەبو غورێب دەمژمێر 2 هەتا سێ ژ مال دەركەفتن ژ گوندی چوونە شێخان و دووڤ دا چوونە باژێرێ مویسل و دەمژمێر 8ی شەفێ ژڤانێ چوونا شەمەندەفرێ بوو ژ مویسل بۆ بەغدا و سوا دبوون و 7ی سپێدێ گەهشتە بەغدا و 8ێ سەرەدانا من دكر و هەتا دەمژمێر 2 دەف مە بوون و دووبارە چوونە بنگەهێ شەمەندەفرێ ل بەغدا هەتا 8ی شەڤێ و هەتا رۆژا دی سپێدێ گەهشتنە مویسل و هەیڤێ دو جاران سەرەدان كر ئانكو هر جارا هاتبانە سێ رۆژ ب هاتن و چوونێ ڤە چوون و 13 سال هوسا دەرباز بوون و هەر جارا هاتبانە ژی ئاخفتنێن نەخوش و شەرێن دەروونی ل گەل دهاتنەكرن.
زیندانیێ سیاسی، جەلال حەسەن رەشو گۆت: ژیێ من 15 سال بوو دەمێ من هەژڤینی پێك ئینایی و باپیرێ من خواست خێزانێ پێك بینم و دەمێ زیندانكری من كورەك هەبوو و ئەو ژی دهاتە زیندانێ و هیڤی یا من بوو دەمێ بهێمە ئازادكرن بەری زارۆكێ خوە دایك و بابێن خوە بینم چونكە ئەوا گەلەك نەخوشی سەر من دیتن، ئازادكرنا مە ژی گەلەك بزاڤ هاتنەكرن و ئەم هەر نەهاتینە ئازادكرن وی دەمی نوینەرا نەتەوێن ئێكگرتی و دووڤ دا ب بوو وەزیرا دەرڤە یا ئەمریكا و ئیراقێ گۆت بوو نەتەوێن ئێكگرتی مە زیندانیێن سیاسی نەماینە و بتنێ سیخورێن ماین و ئەم نە سیخوربووین و گەلەكێن دی ژی هوسا دژوار ڤە بوون وی دەمی نوینەرا نەتوێن ئێكگرتی گۆت دێ لژنەكێ دروست كەین سەرەدانا زیندانێن ئیراقێ بكەت و دیفچوونا ئەوا كەسا بكەت كا سیخورن و مادێن وا چنە وی دەمی ئیراقێ ئەم ئازادكرین سالا 1995 بوو.
زیندانیێ سیاسی، جەلال حەسەن رەشو، گۆت: گەلەك هەلكەفتێن نەتەوەی مە ل زیندانێ ساخكرن و ل دووڤ شیانێن خوە مە شریناهی بەلاڤكرن و مە شەمالك هەلكرن و چ خوشی ل زیندانێ نەبوو و تشتێ خوەش بوومن ل زیندانێ ئەو بوو دەمێ من دایك و باب و كەس و كارێن خوە دیتن و دەمێ مەزانی دێ هێن مە حەفتیەكێ بەری بهێن بەرهەڤی بۆ هاتنا وا دكر.
زیندانیێ سیاسی، جەلال حەسەن رەشو گۆتژی: دەمێ هاتیمە ئازادكرن و هەتا هەیڤەكێ ژی من گۆت ئەڤە خەونە و نەراستی یە و گەلەك جاران من گۆت چاڤێن خوە ڤەكەم دێ بیتە دەرو و هەیڤەكێ من باوەرنەدكر
ل دووماهیێ زیندانیێ سیاسی، جەلال حەسەن رەشو گۆت: بمخانبی ڤە پشتی چەندین سالێن زیندانێ و مال و سەر چووین و هاتن وچوونا دایك و بابێن من یا 13 سالا ب رێكا بەغدا ڤە و رۆژەكێ ژی نە سوپاسیەك و نەپشتەڤانی و نەهاریكاری بووهات و چ هاریكاری بوومن نەهاتەكرن و كەسەك وەكی مە نەما ل زیندانێ دا و یێ ژ مەهەمیان پتر ماین، گرنگە پارتی ئەڤ كەسانێن خەبات كرین تشتەكی بۆ بكەت ئەڤێ گرێكا دلێ خوە دا ژبیر بكەن، مە بۆ كی كریە؟ مانە بۆ مللەتی ؟ ئەگەر مللەتێ ئازاد بیت مانە ئەڤكەسێن خەباتكرین قیمەتەك هەبیت و بلا جوداهی نەبیت بەلێ بلا كێمتر نەبن ژ كەسەكێ دیتر، مە رێكخستنێ كاركر و ئەم هاتینە زیندانكرن و مە مالا خوە هەر هەمی گوری ڤێ دوزا رەویا مللەتێ خوە كر، گەلەك جاران شەرم دكەم دەمێ زارۆكێ من پرسیارێ ژ من دكەت و بێژیت 13 سالان دزیندانێ دا بووی و چ بووتە بەرامبەر هاتیەكرن؟ و نەشێم باخفم و ئەڤە بوومە نەخوشە و گەلەك جاران هەڤال دێ بێژن چ وبوتە هاتەكرن، دێ بێژم من چ ژێ نەڤێت و ئەڤە گەلەك نەخوشە، 13 سالا دناڤ جەرگێ دوژمنی دا گەلەك یا نەخوش بوو و هەر بێژم گونەها دایك و بابێن من ستویێ من دایە چونكە من نەشیا چ بوو بكەم بەرامبەر خەباتا خوە و راستی خوە كێم بینم و خەباتا من دئاڤێ دا چوو، دیسا خویشكەكا مە ژی ل گەل زەلام و زارۆكێن خوە ل ئەنفالان بەرزەبوو و چوو.
