هنگاڤتنا ڤێنێسیۆسی گومان پەیداكر
رۆژنامەیا ماركا یا ئسپانی بەلاڤكر هنگاڤتنا ستێرێ بەرازیلی ڤێنێسیۆس جۆنیۆر یاریزانێ یانەیا ریال مەدرید د یارییا هەڤالینی یا هەلبژارتیێ بەرازیلی و فەرنسا ئەوا 2-1 بۆ فرەنسا ب دووماهی هاتی ب گۆمان دا زانین پشتی چارەسەرێ تیمێ ریالێ داخواز ژ یا هەلبژارتیێ بەرازیل كر ڕاپۆرتا نۆژداری بۆ فرێكەن.
هەرچەندە ڕاهێنەرێ هەلبژارتیێ بەرازیلێ یێ ئیتالی كارلۆ ئەنشلۆتی دیاركر هنگاڤتنا وی یا مەزن نینە پتنێ پێدڤی ب بهێنڤەدانێ یە بۆ حەفتییەكێ لێ گۆمان بۆ تیما نۆژدارێن ریال مەدرید پەیداكرینە و خواستییە زووترین دەم ڕاپۆرتا نۆژدارێ بەرازیلێ بۆ بهێتە هنارتن، دیسان خواستینە ڤێنێسۆس ڤەگەڕیتە مەدرید ژبۆ پشتراستكرنا هنگاڤتنا وی بەری یارییا حەفتییا بهێت بەرانبەر مایۆركا ژ خولا ئسپانیا.
