تیشکـا رۆژێ و هـۆرمۆن ئەگـەرێن سـەرەکـیێن پەیدابوونا راڤـێن دێمینە
ڕاڤێن ڕەش یان ئەو تشتێ د ناڤ خەلکی دا ب “کەلەف” دهێتە نیاسین، ئێک ژ کێشێن هەرە مەزن یێن پیستیە کو زێدەتر ل دەڤ ژنان و هندەک جاران ل دەڤ زەلامان ژی پەیدا دبیت.
کتۆر هندرین عەقراوی، تایبەتمەندێ نەخۆشی و جوانکرنا پیستی، دیاردکەت کو چەندین ئەگەرێن جودا هەنە بۆ تێکچوونا ڕەنگێ پیستی، ژ وانژی، تیشکا ڕۆژێ کو ب ئەگەرێ ئێکێ دهێتە هژمارتن، چ ل هاڤینێ بیت یان زستانێ.، دیسان گوهۆڕینێن هۆرمۆنی: ب تایبەت ل دەمێ دوگیانیێ یان کێشێن هێلکەدانانێ ل دەڤ ژنان و کێمیا ڤیتامینان، کێمییا ئاسنی، ڤیتامین B12 و ڤیتامین C کاریگەرییەکا ڕاستەوخۆ ل سەر گەشەیا پیستی هەیە.
دیارکر ژی کو سترێس،کێم خەوی، جگارەکێشان و کحول دبنە ئەگەرێ زێدەبوونا ڕژێنێن کورتیزۆلی کو ڕەنگێ پیستی تێک ددەن.
هەروەسابۆماوەی ژی ئەگەرەک و کەلەف دشێت ژ دایک و بابان بۆ زارۆکان بهێتە ڤەگوهاستن.
تایبەتمەندێ پیستی ئاماژێ ددەت کو تەنککبوونا پیستی دبیتە ئەگەرێ هندێ بۆریێن خوینێ دیار ببن، ئەڤە ژی ڕەنگەکێ ڕەش یان شین ددەتە بن چاڤان. هەروەسا ب کارئینانا هندەک دەرمانێن فشارا خوینێ و هندەک جۆرێن بۆیاغا پرچێ ژی وەک ئەگەرێن نوی یێن پەیدابوونا وان دهێنە دیتن.
بۆ ڕێگریکرنێ ژ زێدەبوونا ڤان ڕاڤان، دکتۆر هندرین چەند ئامۆژگارییان ئاراستەی وەلاتییان دکەت ژوانژی، ب کارئینانا دژە هەتاڤێکو پێدڤیە SPF ژ ١٥ زێدەتر بیت و هەر ٣ بۆ ٤ دەمژمێران جارەکێ بهێتە نویکرن، دیسا پاراستنا فیزیکی وەکو بکارئینانا کولاڤ و چەترێ و پۆشینا جلێن سپی بۆ ڤەگەراندنا تیشکا ڕۆژێ، ڤیتامین C کو ب کارئینانا سیرۆم یان کرێمێن ڤیتامین C ب شەڤێ دگەل خەوا ڕێکوپێک، چونکو خەو کلیلا ساخلەمییا پیستی و کێمبوونا ڕەشییا بن چاڤانە.
ل دوماهیێ، دکتۆر هندرین عەقراوی دیار کر کو هندەک جۆرێن کەلەفی (وەکو یێن دوگیانیێ) ڕەنگە ١٠٠٪ چارەسەر نەبن، بەلێ ب ڕێکا لێزەرێ، تەقشیرێ و پابەندبوون ب دەرمانان، مرۆڤ دشێت ب ڕێژەیەکا زۆر کۆنترۆل بکەت..
