سێ نهێنیێن کارتێکرنێ ل دلخۆشیێ دکەن

تایبەتمەندێن بواری دەروونی دبێژن کو مەزنترین ڕێگر ل بەردەم دڵخۆشیا مرۆڤی سێ هەستێن سەرەکینە، ئەو ژی: شەرمزاری، هەستکرن ب گونەهباریێ، و دڵەڕاوکی.
​ئەڤ هەستە مرۆڤی ژ دەمێ نوکە دادبڕن و د ناڤ ڕابردوو یان داهاتوودا دژین. بۆ چارەسەرکرنا ڤێ چەندێ، پێدڤییە مرۆڤ بەرامبەر خۆ یێ میهرەبان بیت و سوپاسگوزاریێ پەیڕەو بکەت دا کو سەرنجا وی ل سەر لایەنێن باش یێن ژیانێ بیت.
​ئەگەرەکێ دی یێ تێکچوونا بەختەوەریێ پێکهاتیە ژ ترسا بڕیاردانێ بۆ گۆڕانکاریێ د ژیانێدا. پتریا خەڵکی د ناڤ پەیوەندیەکا نەخۆش یان کارەکێ بێزارکەردا دمینن ب تنێ ژ بەر هندێ چونکی دترسن پێنگاڤان ب هاڤێژن.
​باشترین ڕێک ئەوە مرۆڤ پێنگاڤێن گەلەک بچووک دەستپێ بکەت و چاڤەڕێی گۆڕانکاریێن مەزن و راستەوخۆ نەبیت، ​هەروەسا هەڤبەرکرنا ژیانا خۆ دگەل وێنەیێن نموونەیی یێن د ناڤ سۆشیاڵ میدیایێدا، ئێکە ژ وان شاشیێن کو تام و خۆشیێ ژ ژیانا مرۆڤی ڕبەت؛ چونکی ئەوا ل وێرێ دهێتە دیتن بتنێ خۆشترین و باشترین چرکەساتێن خەڵکینە، نەکو هەمی ڕاستیا ژیانا وان.
​کێمکرنا دەمێ ل سەر تۆڕێن جڤاکی و گۆهوڕینا وی دەمی بۆ نڤیسینا پێنج تشتان کو تۆ تێدا سوپاسگوزاری، دێ بیتە ئەگەر کو تۆ ڕۆژا خۆ ب ئەرێنی و وزەکا باش دەستپێبکەی.

کۆمێنتا تە