سوهەیب عەلی: کار ل سەر دروستکرنا تیمەکا ب هێز دهێتە کرن
رەمەزان زەكەریا:
د داخۆیانیەکێ دا پەیڤدارێ یانەیا ئاکرێ یا وەرزشی گەشبینیا خۆ دیارکر کو ب پشتەڤانیا سەرمایەدارێن دەڤەرێ دێ ئاستەنگێن دارایی تێپەڕینن و تیمەکا بهێز و هەژی ناڤێ ئاکرێ ئامادەکەن.
زێدەتر سوھەیب عەلی بۆ ئەڤرۆ گۆت: مە کار ل سەر لایەنێ دارایی کریە دگەل سەرمایەدارێن دەڤەرێ و ب ھیڤینە وەکی پار دێ د هاریکار بن، ئەگەر ئاریشەیێن دارایی هەبن دێ ئاستەنگ ژی هەبن لێ ئەگەر رەوشا ئابووری باش چ ئاستەنگ نابنە ڕێگر ل بەردەم سەرکەوتنا تیمێ.
ناڤھاتی گۆت: بۆ وەرزی نوو خول دێ ل چرییا ئێکێ یا بهێت دەستپێکەت لەورا ل دەمەکێ نزیک دێ دەست ب ئامادەکاریێن خۆ یێن کریاری کەین، ئەم ھەموو کاران دکەین بۆ وێ چەندێ ببینە قارەمانێن خولا بۆ ڤێ مەرەمێ ژی کار ل سەر دروستکرنا تیمەکا زۆر باش هاتیە کرن دا کو بشێین د هەردو خولان دا نایابا کوردستانێ و پلە دویا ئیراقێ پشکداربن بێی کو یاریزانێن مە تووشی ماندووبوونێ یان کێماسیا لەشی ببن.
ناڤبری ئاشکراکر: یاریگەها یانەیا ئاکرێ ب تەمامی یا بەرهەڤە بۆ مێڤانداریکرنا یاریێن هەردو خولێن نایابا کوردستانێ و خولا پلە دوایا ئیراقێ، هەتا نوکە ھژمارەکا یاریزانێن مە یێن وەرزی بووری د ناڤ تیمێ دا ماینە و ئەو یاریزانێن پێدڤی ژی دێ شێین بینینە د ناڤ ڕێزێن یانەیێ دا، ڕاستە یاریزانێن پیشەگەر و خودان ئەزموون گرنگن و رۆلێ خۆ یێ هەی د سەرئێخستنا یانێ دا بەلێ سیاسەتا مە یا سەرەکی ئەوە کو ئەم پتر پشت بەستنێ ل سەر شیان و گەنجێن دەڤەرا ئاکرێ بکەین
