ڕێژەیا پیشەكاران د خولا ئیراقێ دا بەر ب زێدەبوونێ یە
لدووڤ ڕاپۆرتنێن رۆژنامەڤانی هەتا نوكە ڕێژەیا هاتنا پیشەكاران بۆ خولا ستێرێن ئیراقێ یا فوتبۆلێ بەر ب زێدەبوونێ یە و پرانییا یاریزانان ژ كێشوەرێ ئەفریقیا هاتینە هەروەسان ڕاهێنەرێن بیانی ژی گوهۆڕینین ئێخستیە ل سەر پشكدارییا وان د خولێ دا.
ل دووڤ دووماهی ئامارێن دناڤا رۆژنامەیێن ئیراقی داه اتیە بەلاڤكرن، هەتا نوكە ڕێژەیا یاریزانێن پیشەكار كو ژلایێ یانەیێن پشكدار د خولا ستێرێن ئیراقێ بۆ وەرزێ نوو گەهشتینە 138 یاریزانان كو ژ نێزیكی 42 وەلاتێن جودا هاتینە و پرانییا وان یێن كێشوەرێ ئەفریقیایە و پێشبینی كریە ئەڤ ڕێژە زێدەتر لێبهێت و ئامارا وەرزێ بۆری بشكێنیت كو 169 یاریزان ژ 47 وەلاتان بوو، ل گەل بەردەوامییا لڤینێن یانەیان بۆ ئینانا یاریزانێن پیشەكار كو هەر یانەیەكێ مافێ هەی هەتا حەفت یاریزانێن پیشەكار بنیتە د ناڤ ڕێزێن تیما خوە دا.
بۆ زانین ل 13ێ مەها بهێت بڕیارە دەست ب وەرزێ نوو یێ خولا ستێرێن ئیراقێ بهێتە كرن، هەروەسان هەر ئێك ژ یانەیێن جەوییە قارەمانا وەرزێ بۆری و شورتە خودانا ڕێزا دویێ دێ پشكداریێ د كۆپا ئاسیا قارەمانێن خولا چامپیۆنز دا كەن، ژلایەكێ دووڤە هەردو یانەیێن هەولێر و زەورا خودانێن ڕێزێن سێیێ و چارێ دێ پشكداریێ د كۆپا كەنداڤی دا كەن.
